استانادا جول جوندەۋ جۇمىستارىنا بايلانىستى الداعى كۇندەرى تىلەندييەۆ داڭعىلىندا كولىك قوزعالىسىنا شەكتەۋ ەنگىزىلەدى، دەپ حابارلايدى infohub.kz سايتى.
استانا اكىمدىگىنىڭ Telegram-ارناسىندا قالا تۇرعىندارى مەن قوناقتارىن ن. تىلەندييەۆ داڭعىلىنىڭ بارشىن كوشەسىنەن كوكتال كوشەسىنە دەيىنگى بولىگىندە قوزعالىستىڭ ءىشىنارا جابىلاتىنى تۋرالى ەسكەرتتى. شەكتەۋلەر 17 جانە 18 شىلدەدە جول توسەمىنىڭ ۇستىڭگى قاباتىن توسەۋ جۇمىستارىنا بايلانىستى ەنگىزىلەدى.
اۆتوكولىك قوزعالىسى ءبىر جاعىنان ۇيىمداستىرىلاتىنى اتاپ ءوتىلدى.
«جۇرگىزۋشىلەر مەن جاياۋ جۇرگىنشىلەردى باعىتتارىن الدىن الا جوسپارلاپ، قوزعالىستى ۇيىمداستىرۋداعى ىقتيمال وزگەرىستەردى ەسكەرۋگە شاقىرامىز. قاۋىپسىزدىكتى قامتاماسىز ەتۋ جانە قولايسىزدىقتى ازايتۋ ءۇشىن ۋاقىتشا جول بەلگىلەرى مەن كورسەتكىشتەر ورناتىلادى»، — دەلىنگەن اكىمدىك حابارلاماسىندا.