استانا قالاسىندا ن. تلەندييەۆ داڭعىلى بويىنشا جول جوندەۋ جۇمىستارىنا بايلانىستى ەكى كۇنگە كولىك قوزعالىسىنا ءىشىنارا شەكتەۋ ەنگىزىلەدى. بۇل تۋرالى infohub.kz سايتى حابارلايدى.
استانا اكىمدىگىنىڭ مالىمەتىنشە، 17-18 شىلدە ارالىعىندا بارشىن كوشەسىنەن كوكتال كوشەسىنە دەيىنگى ۋچاسكە جابىلادى. شەكتەۋ جول توسەمىنىڭ ۇستىڭگى قاباتىن توسەۋ جۇمىستارىنا بايلانىستى. اۆتوكولىك قوزعالىسى جولدىڭ ءبىر جاعىمەن ۇيىمداستىرىلادى.
«جۇرگىزۋشىلەر مەن جاياۋ جۇرگىنشىلەردەن باعدارلارىن الدىن الا جوسپارلاپ، قوزعالىستى ۇيىمداستىرۋداعى ىقتيمال وزگەرىستەردى ەسكەرۋلەرىن سۇرايمىز. قاۋىپسىزدىكتى قامتاماسىز ەتۋ جانە قولايسىزدىقتى ازايتۋ ءۇشىن ۋاقىتشا جول بەلگىلەرى مەن كورسەتكىشتەر ورناتىلادى»، — دەپ ەسكەرتتى اكىمدىك وكىلدەرى.