استانادا 46 جاستاعى ەر ادام «تۇلپار» كوپىرىنەن سۋعا سەكىردى، الايدا قۇلاعان سوڭ ءوز بەتىنشە جاعاعا شىعا الدى، دەپ حابارلايدى infohub.kz سايتى.
NUR.KZ ءتىلشىسىنىڭ حابارلاۋىنشا، وقيعا تۋرالى حابارلاما «102» ارناسىنا تۇسكەن. بۇل تۋرالى ەلوردالىق پوليسيا دەپارتامەنتى مالىمدەدى.
«وقيعا ورنىنا دەرەۋ پوليسيا قىزمەتكەرلەرى كەلىپ، ونىڭ قاۋىپسىزدىگىن قامتاماسىز ەتۋ ءۇشىن قاجەتتى شارالاردى قولداندى. سودان كەيىن ەر ادام مامانداندىرىلعان كومەك كورسەتۋ ءۇشىن مەديسينا قىزمەتكەرلەرىنە تاپسىرىلدى»، — دەلىنگەن ۆەدومستۆو حابارلاماسىندا.
استانا پوليسياسى كوپىردەن سۋعا سەكىرۋدىڭ ءقاۋىپسىز ويىن-ساۋىق ەمەس ەكەنىن ەسكە سالدى. تەرەڭدىك، اعىن، سۋ استىنداعى كەدەرگىلەر جانە باسقا دا جاعدايلار ءومىر مەن دەنساۋلىققا ناقتى ءقاۋىپ ءتوندىرۋى مۇمكىن. سىرتتاي قاراعاندا ءبارى ءساتتى اياقتالسا دا، مۇنداي جاعداي اۋىر زارداپتارعا اكەلۋى ىقتيمال. قاۋىپسىزدىك ءۇشىن تەك ارنايى جابدىقتالعان جانە شومىلۋعا ارنالعان ورىنداردى تاڭداۋ كەرەك.
بۇعان دەيىن استانادا قۇتقارۋشىلار ەسىلدەن ءوز بەتىنشە وتپەك بولعان، ءبىراق جاعاعا جەتە الماعان ەر ادامدى سۋدان شىعارعانى حابارلانعان بولاتىن.