استانادا جاڭا كونستيتۋسياعا قاتىستى پىكىرىن بىلدىرگەن كاسىپكەر كانتەمير المىشەۆتى پوليسيا 15 تاۋلىككە قاماۋعا الدى. بۇل تۋرالى Ulysmedia.kz اقپارات اگەنتتىگى حابارلايدى.
كەشە، اقپاننىڭ 20-سى كۇنى كەشكە المىشەۆتى جۇمىس ىستەپ وتىرعان باربەرشوپىنان پوليسيا بولىمشەسىنە الىپ كەتكەنى بەلگىلى بولدى. ول ايەلىنە پوليسياعا بارا جاتقانىن عانا ۇلگەرە حابارلاپ ۇلگەرگەن. وعان دەيىن ول پوليسيانىڭ ۇيىنە كەلگەنىن بەينەجازبا ارقىلى جاريالاعان ەدى.
15 تاۋلىككە قاماۋعا الىندى
بۇگىن ونىڭ 15 تاۋلىككە اكىمشىلىك قاماۋعا الىنعانى تۋرالى اقپارات شىقتى. Otkir Kurekء-تىڭ مالىمەتىنشە، وعان «ۇساق بۇزاقىلىق» بابى بويىنشا اكىمشىلىك جازا قولدانىلعان. الايدا، ناقتى قانداي سەبەپپەن جازالانعانى ايتىلمادى.
بۇعان دەيىن ونىڭ ايەلى كۇيەۋىنىڭ ۇستالعانىنا ازىلكەش نۇرلان سابۋروۆتى قورلاعان دەگەن كۇدىك سەبەپ بولۋى مۇمكىن دەگەن بولجام جاساعان.
كونستيتۋسياعا قاتىستى سىن
بۇعان دەيىن كانتەمير المىشيەۆ Threads الەۋمەتتىك جەلىسىندە جاڭا كونستيتۋسياعا ەنگىزىلگەن تۇزەتۋلەردى سىناعان ءبىرقاتار جازبا جاريالاعان بولاتىن.
استانا پوليسياسى ازىرگە بۇل جاعدايعا قاتىستى رەسمي مالىمدەمە جاساعان جوق. Ulysmedia.kz ءتىلشىسى استانا قالالىق پوليسيا دەپارتامەنتىنىڭ ءباسپاسوز قىزمەتىنەن پىكىر سۇرادى.
قازاقستاندا جاڭا كونستيتۋسيانى قابىلداۋ بويىنشا رەفەرەندۋم ناۋرىزدىڭ 15-ىنە بەلگىلەنگەن.