استانادا Threads الەۋمەتتىك جەلىسىندەگى rhino.75623163 لاقاپ اتىمەن تىركەلگەن قولدانۋشى ەلوردالىق پوليسياعا ەرەكشە ۇسىنىس جاسادى — ونىمەن ءباس تىگۋگە شاقىردى، دەپ حابارلايدى infohub.kz سايتى.
«قۇرمەتتى پوليسيا باسقارماسىنىڭ وكىلدەرى، ءباس تىگۋدى ۇسىنامىن! ەگەر مەن ءبىر كۇن ىشىندە ءوز اۋدانىمنىڭ اۋماعىندا 20-30 قۇقىقبۇزۋشىلىقتى جەكە ءوزىم انىقتاسام، وندا وسى اۋدانعا جاۋاپتى قىزمەتكەردى جۇمىستان شىعاراسىزدار نەمەسە سول كۇنى ناريادتا بولعان قىزمەتكەرلەرگە سوگىس جاريالايسىزدار. مۇنى ءىس جۇزىندە دالەلدەۋگە دايىنمىن»، — دەلىنگەن جازبادا.
اۆتور جازباعا مۇگەدەكتىگى بار ادامدارعا ارنالعان تۇراققا قويىلعان جەڭىل كولىكتىڭ سۋرەتىن قوسا بەرگەن.
جازبا كوپتەگەن پىكىر تۋدىردى. وعان استانا قالاسى پوليسيا دەپارتامەنتىنىڭ پاترۋلدىك پوليسيا پولكىنىڭ ارنايى باتالونى جاۋاپ بەردى.
«ءوتىنىشىڭىزدى وبەكتيۆتى قاراۋ جانە ءتيىستى شارالار قابىلداۋ ءۇشىن ق ر «اكىمشىلىك قۇقىقبۇزۋشىلىق تۋرالى» كودەكسىنە سايكەس حاتتامادا اكىمشىلىك قۇقىقبۇزۋشىلىقتىڭ جاسالعان كۇنى، ۋاقىتى، ورنى اۆتوماتتى تۇردە كورسەتىلەدى. بۇل رەتتە كۇن مەن ۋاقىتتى قولدان (فوتورەداكتور ارقىلى) قويۋعا جول بەرىلمەيدى. سونىمەن قاتار، وسىنداي فاكتىلەردى انىقتاعان كەزدە 102 ارناسىنا حابارلاسۋ نەمەسە كۇنى مەن ۋاقىتىن كورسەتىپ، فوتو/ۆيدەو ءوتىنىشتى ءموبيلدى قوسىمشاعا جىبەرۋ قاجەت»، — دەپ جاۋاپ بەردى پوليسيادا.