قازاقستان استاناسىندا پاتەر ۇرلىعى اشىلدى: كەلتىرىلگەن شىعىن 3،5 ملن تەڭگەدەن استى. كۇدىكتى ۇستالىپ، ۇرلانعان اشەكەيلەر يەسىنە قايتارىلدى، دەپ حابارلايدى infohub.kz سايتى.
NUR.KZ پورتالىنىڭ Polisia.kz-كە سىلتەمە جاساپ حابارلاۋىنشا، استانادا پوليسەيلەر پاتەر ۇرلىعىن اشتى. سالدارىنان جابىرلەنۋشىگە 3،5 ملن تەڭگەدەن استام ماتەريالدىق شىعىن كەلگەن.
ىشكى ىستەر مينيسترلىگىنىڭ مەدياپورتالىنىڭ مالىمەتىنشە، استانالىق ايەل ۇيدەن شىققاندا ۇمىتشاقتىقتان كىرەبەرىس ەسىكتىڭ سىرتىندا كىلتىن قالدىرىپ كەتكەن. ۇيىنە ورالعان ايەل پاتەر ىشىندە بەيتانىس ەر ادامدى كورىپ قالادى. ول ەسىكتى قاعىپ، بولمەدەن شىعۋدى تالاپ ەتتى. سودان كەيىن ەسىك اشىلىپ، ەر ادام پاتەردەن جۇگىرىپ شىعىپ، قاشىپ كەتتى. ايەل دەرەۋ پوليسياعا حابارلاستى.
تەرگەۋ بارىسىندا پاتەردەن زەرگەرلىك بۇيىمدار ۇرلانعانى انىقتالدى: بريلليانت قوندىرىلعان ءتورت التىن جۇزىك، ءۇش التىن شىنجىر جانە ءۇش جۇپ التىن سىرعا. جالپى شىعىن 3،5 ملن تەڭگەدەن استى.
جۇرگىزىلگەن جەدەل-ىزدەستىرۋ ءىس-شارالارىنىڭ ناتيجەسىندە پوليسەيلەر بۇعان دەيىن وسىنداي قىلمىسى ءۇشىن جاۋاپكەرشىلىككە تارتىلعان 25 جاستاعى كۇدىكتىنى انىقتاپ، ۇستادى.
ۇرلانعان م ۇلىك تاركىلەنىپ، يەسىنە قايتارىلعانى اتاپ ءوتىلدى. ءقازىر سوتقا دەيىنگى تەرگەۋ ءجۇرىپ جاتىر، بولعان وقيعانىڭ بارلىق ءمان-جايى انىقتالۋدا.