Volkswagen Polo كولىگىنىڭ يەسى كوشەدە تانىسىمەن سويلەسىپ تۇرعاندا، قۇلپى اشىلماعان كولىكتەن قۇنى شامامەن 1 ميلليون تەڭگە بولاتىن ليۋكس Valentino سومكەسى ۇرلاندى. وقيعا استانانىڭ شۇبار شاعىن اۋدانىندا قاراڭعى ۋاقىتتا بولعان. بۇل تۋرالى infohub.kz حابارلايدى.
Polisia.kz پورتالىنىڭ مالىمەتىنشە، قىلمىسكەر قۇلپى اشىلماعان كولىككە بايقاتپاي جاقىنداپ، الدىڭعى جولاۋشى ورنىنان سومكەنى الىپ كەتكەن. سومكەنىڭ ىشىندە 60 مىڭ تەڭگە جانە جەكە قۇجاتتار بولعان.
جەدەل-ىزدەستىرۋ شارالارىنىڭ ناتيجەسىندە پوليسيا قىزمەتكەرلەرى كۇدىكتىنىڭ جەكە باسىن انىقتاپ، ۇستادى. ۇرلىقتان كەيىن كەلەسى كۇنى ول ۇرلانعان سومكەنى جاسىرىپ، اقشاسىن جۇمساپ ۇلگەرگەن. زاتتاي دالەل الىنىپ، زاڭدى يەسىنە قايتارىلدى.
ۇستالعان ادامنىڭ بۇرىن دا وسىعان ۇقساس قىلمىستار ءۇشىن جاۋاپكەرشىلىككە تارتىلعانى انىقتالدى. قازىرگى ۋاقىتتا ول ۋاقىتشا ۇستاۋ يزولياتورىنا قامالدى. ۇرلىق فاكتىسى بويىنشا سوتقا دەيىنگى تەرگەۋ جۇرگىزىلۋدە.
قۇقىق قورعاۋ ورگاندارى قىلمىسكەرلەردىڭ كولىك يەلەرىنىڭ قىسقا مەرزىمدى ابايسىزدىعىن ءجيى پايدالاناتىنىن ەسكەرتتى. ولار كولىك سالونىندا سومكە، اقشا، قۇجات جانە باسقا دا باعالى زاتتاردى كوزگە كورىنەتىن جەردە قالدىرماۋعا شاقىردى. ءتىپتى بىرنەشە مينۋتقا كەتسەڭىز دە، كولىكتىڭ ەسىكتەرى مەن تەرەزەلەرىن مىندەتتى تۇردە جاۋىپ، دابىلعا قويۋ كەرەك.