استانادا كامەلەتكە تولماعان ءجاسوسپىرىم بوگەنباي باتىر داڭعىلىنداعى ايالداما پاۆيلونىنىڭ شىنىسىن سىندىردى. وقيعا بەينەجازباعا ءتۇسىپ، بۇزاقىنىڭ جەكە باسىن پوليسيا قىزمەتكەرلەرى انىقتادى، دەپ حابارلايدى infohub.kz سايتى.
NUR.KZ اگەنتتىگى Polisia.kz-كە سىلتەمە جاساپ حابارلاۋىنشا، ءجاسوسپىرىم ايالداما شىنىسىن اياعىمەن تەۋىپ، سودان كەيىن وقيعا ورنىنان قاشىپ كەتكەن. ب ۇلىنگەن پاۆيلون جەلىدە تاراعان بەينەجازبادا تۇسىرىلگەن.
«ق ر ءىىم جاڭالىقتارى» Telegram-ارناسىندا ناقتىلانعانداي، پوليسيا قىزمەتكەرلەرى بۇزاقىنى انىقتادى. ۇساق بۇزاقىلىق ءۇشىن ول اكىمشىلىك جاۋاپكەرشىلىككە تارتىلدى.
«كامەلەتكە تولماعان ءجاسوسپىرىم پروفيلاكتيكالىق ەسەپكە قويىلدى. ونىڭ مىنەز-قۇلقى مەن جاساعان قۇقىق بۇزۋشىلىعى كامەلەتكە تولماعاندار ىستەرى جونىندەگى كوميسسيادا جەكە قارالىپ، ءتيىستى پروفيلاكتيكالىق ىقپال ەتۋ شارالارى قولدانىلادى. ءجاسوسپىرىمنىڭ اتا-اناسى دا ونى تاربيەلەۋ جونىندەگى مىندەتتەرىن تيىسىنشە ورىنداماعانى ءۇشىن اكىمشىلىك جاۋاپكەرشىلىككە تارتىلدى»، — دەلىنگەن حابارلامادا.
پوليسيادا قالا مۇلكىنە كەلتىرىلگەن زالال كامەلەتكە تولماعاننىڭ زاڭدى وكىلدەرىنەن تولىق كولەمدە وندىرىلەتىنىن اتاپ ءوتتى.
«پوليسيا ۆانداليزم جانە قالا مۇلكىن ءبۇلدىرۋ فاكتىلەرىنە قاتاڭ دەن قويۋدى جالعاستىرۋدا. ءاربىر وسىنداي فاكتىگە قۇقىقتىق باعا بەرىلىپ، كىنالىلەر جاۋاپكەرشىلىككە تارتىلادى»، — دەپ قوستى ۆەدومستۆو.
بۇعان دەيىن استاناداعى جۋرناليستەر اللەياسىندا ەكى جاس جىگىت ءمۇسىندى جانە جەتى قوقىس جاشىگىن بۇلدىرگەنى حابارلانعان بولاتىن.