استانادا ەكى مارشرۋتتىق اۆتوبۋس قاتىسقان جول-كولىك وقيعاسىنان كەيىن ونداعان ادام اۆتوموبيل كوپىرىمەن جاياۋ جۇرۋگە ءماجبۇر بولدى، دەپ حابارلايدى infohub.kz سايتى.
وقيعا بەينەگە ءتۇسىرىلىپ، Threads الەۋمەتتىك جەلىسىندە جاريالاندى. gaukhar_akshabayeva دەگەن قولدانۋشى بىرنەشە اۆتوبۋس تۇرعان كوپىرمەن نەگە ونداعان ادام جاياۋ ءجۇرىپ جاتقانىن جانە سول جەردە نە بولعانىن سۇرادى.
جاعدايدى ءتۇسىندىرۋ ءۇشىن NUR.KZ ءتىلشىسى ەلوردالىق پوليسيا دەپارتامەنتىنىڭ ءباسپاسوز قىزمەتىنە جۇگىندى.
«10 قىركۇيەكتە Yutong مارشرۋتتىق اۆتوبۋسىنىڭ جۇرگىزۋشىسى سارايشىق كوشەسىمەن قوشقاربايەۆ داڭعىلى جاعىنان كەلە جاتىپ، «ارحار» كوپىرىنەن تۇسەردە ءقاۋىپسىز ءبۇيىر ارالىقتى ساقتاماي، وڭ جاقتان قاتارلاسىپ كەلە جاتقان Iveco مارشرۋتتىق اۆتوبۋسىمەن سوقتىعىستى. جول-كولىك وقيعاسى سالدارىنان Iveco مارشرۋتتىق اۆتوبۋسىنىڭ جولاۋشىسى جەدەل جاردەم بريگاداسىمەن مەديسينالىق مەكەمەگە جەتكىزىلدى»، — دەپ ءتۇسىندىردى استانا قالالىق پد-دا.
بۇل دەرەك بويىنشا پوليسيا قىزمەتكەرلەرى تەكسەرۋ جۇرگىزىپ جاتقانى، ونىڭ قورىتىندىسى بويىنشا قۇقىقتىق باعا بەرىلەتىنى حابارلاندى.