Threads الەۋمەتتىك جەلىسىنىڭ قازاقستاندىق سەگمەنتىندە جۇرگىزۋشىلەر اراسىندا كەپتەلىستى كورشىلەس جولاقپەن اينالىپ وتپەك بولعان كولىكتەردى وتكىزۋ كەرەك پە دەگەن داۋ تۋىندادى. استانالىقتار مۇنداي جۇرگىزۋشىلەرگە جول بەرە مە، بەرمەي مە — سونى ايتىپ بەردى، دەپ حابارلايدى infohub.kz سايتى.
تالقىلاۋعا ldosial دەگەن لاقاپ اتپەن جازاتىن قولدانۋشىنىڭ ەموسياعا تولى جازباسى سەبەپ بولدى.
«كەكىرىك باسقان ارسىز كەپتەلىستى اينالىپ وتپەك بولىپ كەزەكسىز تىعىلىپ كەلە جاتىر، سەندەر ونى ءالى دە وتكىزىپ جىبەرەسىڭدەر. ارتىڭدا تۇرىپ، ادال كۇتىپ تۇرعانداردى ويلاڭدار»، — دەپ جازدى اۆتور.
ونىڭ پىكىرىنشە، مۇنداي جۇرگىزۋشىلەر ءوز جولاعىندا تۇرۋعا ءماجبۇر بولعانداردى قۇرمەتتەمەيدى. جازبا جۇزدەن استام پىكىر جينادى.
تالقىلاۋعا قاتىسۋشىلاردىڭ ءبىرى مۇنداي جۇرگىزۋشىلەر الدىن الا جولاق اۋىستىرۋعا تىرىسپاسا، ولارعا جول بەرمەيتىنىن ايتتى.
«ماعان كەلىپ، ادامشا وتىنگەندە وتكىزەمىن. ال ايتپەسە — جوق، سوڭىنا دەيىن جىبەرمەيمىن. ءوزىم دە جولاق اۋىستىرۋىم كەرەك بولسا، توقتاپ، وتىنەمىن. ءبىراق ارسىزدىقپەن تىعىلمايمىن»، — دەپ جازدى ول.
باسقا قولدانۋشى مۇنداي جولاق اۋىستىرۋلار اسىرەسە قيىلىستاردىڭ الدىندا تىتىركەندىرەتىنىن اتاپ ءوتتى: سولاردىڭ كەسىرىنەن وزگە كولىكتەر ءوتىپ ۇلگەرمەي، قوزعالىس تەجەلەدى. تاعى ءبىر پىكىر قالدىرۋشى كەزەكسىز وزگەلەردى وتكىزەتىن جۇرگىزۋشىلەر مۇنداي مىنەز-ق ۇلىقتى ءىس جۇزىندە ماقۇلدايتىنىن قوستى.
الايدا باسقا دا پىكىر ايتىلدى. اۆتوكولىك اۋەسقويلارىنىڭ ءبىرى قازاقستاندىقتاردى جولدا سىپايىلىق ساقتاۋعا جانە مۇمكىندىگىنشە بىر-بىرىنە جول بەرۋگە شاقىردى.
«جۇرگىزۋشىلىك ىنتىماق — جولدا جانجالداسپاي، بىر-بىرىڭە جول بەرۋ. ءبىر جاعىنان، بۇل جاقسى. ەشكىم ءوزىنىڭ قانداي جاعدايعا تاپ بولارىن بىلمەيدى».
كەيبىرەۋلەر باسقا جۇرگىزۋشىنى وتكىزۋدەن باس تارتقاننان كەيىن دە جانجال جالعاسۋى مۇمكىن ەكەنىن ايتتى.
«وتكىزبەيسىڭدەر دەپ ۇرسىپ تا تاستايدى. قۋىپ جەتىپ، رەنجي باستايدى»، — دەپ جازدى قولدانۋشىلاردىڭ ءبىرى.
سونىمەن قاتار تالقىلاۋعا قاتىسۋشىلاردىڭ ءبىر بولىگى وزگە جۇرگىزۋشىلەرگە كەدەرگى جاساماۋعا تىرىساتىنىن جانە الدىن الا دۇرىس وتىنگەندەردى وتكىزەتىنىن مويىندادى.
بۇعان دەيىن كۋرسيۆ اۆتو استانا مەن الماتى جولدارىندا قوسىلعان بۇرىلىس كورسەتكىشى جول بەرۋدىڭ ەمەس، كەرىسىنشە، جىلدامداپ، بوس ورىندى يەمدەنۋدىڭ بەلگىسىنە اينالاتىنىن بايقاعان شەتەلدىكتىڭ تاڭىرقاۋى تۋرالى جازعان ەدى.