استانادا پاتەر ساتۋعا بايلانىستى الاياقتىق ءىسى بويىنشا سوت پروسەسى اياقتالدى. الاياقتاردىڭ قۇربانى 51 ادام بولدى، ال جالپى زالال سوماسى 3 ملرد تەڭگەدەن استى، دەپ حابارلايدى infohub.kz سايتى.
استانا سوتتارىنىڭ ءباسپاسوز قىزمەتىندە ايتىلعانداي، ءىس بويىنشا ايىپتالۋشىلار — ب.، ە.، چ.، د. — الدىن الا سگوۆور جاساعان ادامدار توبىنىڭ قۇرامىندا، قىزمەتتىك جاعدايىن پايدالانىپ، ەرەكشە ءىرى مولشەردە، الداۋ ارقىلى بوتەن م ۇلىكتى يەمدەنۋ، ياعني الاياقتىق جاساۋعا ۇيىمداستىرۋشىلىق جانە كومەكتەسۋ فاكتىلەرى بويىنشا ايىپتالدى. سونىمەن قاتار، ولارعا الدىن الا سگوۆور جاساعان ادامدار توبىنىڭ قۇرامىندا، قىزمەتتىك جاعدايىن پايدالانىپ، ەرەكشە ءىرى مولشەردە سەنىپ تاپسىرىلعان بوتەن م ۇلىكتى ىسىراپ ەتۋ، سونداي-اق اقپاراتتى جاسىرىن الۋ ءۇشىن ارنايى تەحنيكالىق قۇرالداردى زاڭسىز ساتىپ الۋ جانە پايدالانۋ ايىپتارى تاعىلدى.
ايىپتاۋ قورىتىندىسىنا سايكەس، سوتتالۋشىلار پاتەرلەردى، تۇرعىن ەمەس ءۇي-جايلاردى جانە تۇراق ورىندارىن ساتۋ سىلتاۋىمەن ازاماتتاردان قولما-قول جانە قولما-قول ەمەس تۇردە اقشانى جەكە شوتتارىنا العان. ناتيجەسىندە 51 زارداپ شەگۋشىگە ەرەكشە ءىرى مولشەردە — 3 ملرد تەڭگەدەن استام زالال كەلتىرىلدى. سونىمەن قاتار، الاياقتار جالعان ساتىپ الۋ-ساتۋ شارتتارىن جاساپ، ج ش س قاراجاتىن يەمدەنگەن، ال كليەنتتەردەن الىنعان اقشا (3 ملرد تەڭگەدەن استام) كومپانياعا تۇسپەگەن، بۇل دا ەرەكشە ءىرى مولشەردە زالال كەلتىرگەن.
سوتتالۋشىلاردىڭ كىناسى زارداپ شەگۋشىلەر مەن كۋاگەرلەردىڭ ايعاقتارىمەن، ساراپشىلاردىڭ قورىتىندىلارىمەن، جاسىرىن تەرگەۋ ارەكەتتەرىنىڭ ماتەريالدارىمەن، زاتتاي دالەلدەمەلەرمەن جانە ءىستىڭ باسقا دا ماتەريالدارىمەن راستالدى. پروكۋرور مەملەكەتتىك ايىپتاۋدى قولداپ، زاڭعا سايكەس جازا تاعايىنداۋدى سۇرادى. زارداپ شەگۋشىلەر زالالدىڭ وتەلمەۋىن ەسكەرە وتىرىپ، قاتاڭ ۇكىم شىعارۋدى تالاپ ەتتى.
سوتتالۋشىلار مەن ولاردىڭ قورعاۋشىلارى ايىپتاۋمەن كەلىسپەي، اقتالۋدى سۇرادى. الايدا سوت قىلمىستىڭ اۋىرلىعىن، زالالدىڭ وتەلمەۋىن جانە كىنانى مويىنداماۋدى ەسكەرە وتىرىپ، 8 جانە 9 جىلعا باس بوستاندىعىنان ايىرۋ جازاسىن تاعايىندادى، سونداي-اق جىلجىمايتىن م ۇلىكتى ساتۋعا بايلانىستى قىزمەتپەن اينالىسۋ قۇقىعىنان 10 جىلعا ايىردى. ۇكىم زاڭدى كۇشىنە ەنگەن جوق.