قازاقستاندىق ارالاس جەكپە-جەك شەبەرى اسۋ المابايەۆ كاتاردا وتەتىن UFC تۋرنيرىندەگى مىقتى قارسىلاسىمەن جەكپە-جەگىنىڭ رەسمي تۇردە بەكىتىلگەنىن حابارلايدى infohub.kz سايتى.
قازاقستاندىق سپورتشىنىڭ DAR Pro Team كومانداسى ونىڭ 21 قاراشادا دوحادا وتەتىن UFC Fight Night شوۋىنا قاتىساتىنىن راستادى. ونىڭ قارسىلاسى — جاپوندىق كودزي حوريگۋتي، Rizinء-نىڭ جەڭىل جانە ەڭ جەڭىل سالماقتاعى بۇرىنعى چەمپيونى، سونداي-اق Bellator-دىڭ جەڭىل سالماقتاعى بۇرىنعى تيتۋل يەگەرى.
جەكپە-جەك نەگىزگى كارد اياسىندا وتەدى. بۇعان دەيىن المابايەۆ ەڭ جەڭىل سالماقتا (56،7 كگ-عا دەيىن) رەيتينگىندە جەتىنشى ورىندا، ال حوريگۋتي بەسىنشى ساتىدا تۇر.
«ايتا كەتەيىك، وسى جەكپە-جەكتىڭ جەڭىمپازى تيتۋلدىق جەكپە-جەككە شىعۋ مۇمكىندىگىن الا الادى»، — دەدى قازاقستاندىق سپورتشىنىڭ كومانداسىندا.
المابايەۆ تۋرنيرگە ءۇش جەڭىسىنەن كەيىن كەلە جاتىر. كاسىبي مما-دا ول بارلىعى 24 جەكپە-جەكتە جەڭىسكە جەتىپ، ءۇش رەت جەڭىلىس تاپتى.
حوريگۋتي سوڭعى جەكپە-جەگىندە بۇرىن الماباەۆتى دا جەڭگەن پورتۋگاليالىق مانەل كاپەگە جول بەردى. جاپوندىقتىڭ بەس جەڭىسىنەن كەيىنگى سەرياسى ءۇزىلدى. مما-دا ول بارلىعى 36 جەڭىسكە جەتىپ، التى رەت جەڭىلىس تاۋىپ، ءبىر جەكپە-جەگىندە ناتيجەسىز اياقتادى.