اتا - انالار جينالىسى: بالانىڭ بالاباقشاعا بەيىمدەلۋى.

ماقساتى: بالا تاربيەسىندەگى بالاباقشا مەن وتباسى ىنتىماقتاستىعىن نىعايتۋ. بالالاردىڭ مىنەز - قۇلقى، بەيىمى، قىزىعۋشىلىعى، مۇمكىندىگىن ت. ب. تەرەڭىرەك زەرتتەۋ. اتا - انا، بالا، تاربيەشى ۇشتىگى اراسىندا ءوزارا سەنىم مەن سىيلاستىق ورناۋىنا ىقپال ەتۋ. بالا تاربيەسىندەگى اتا - انانىڭ الاتىن ورنىنىڭ ەرەكشە ەكەندىگىن ءتۇسىندىرۋ؛ وتباسى مۇشەلىنىڭ اراسىنداعى باۋىرمالدىق، قايىرىمدىلىق، دوستىق قارىم - قاتىناستى قالىپتاستىرۋ؛
جوسپار
1. كىرىسپە ءسوز
2. ترەنينگ: «كەل تانىسايىق!»
3. بالاباقشانىڭ كۇن ءتارتىبى
4. « العاشقى قادام» باعدارلاماسى (سلايد)
5. بالانىڭ بالاباقشاعا بەيىمدەلۋى (بايانداما وقۋ).
6. اتا - انا مەن بالاعا بايلانىستى سيتۋاسيا شەشۋ.
7. سۇراقتارعا جاۋاپ بەرۋ
8. اتا - انالار كوميتەتىن سايلاۋ.
9. سۇراق - جاۋاپ الماسۋ.
10. قورىتىندى.

بالاباقشا مەڭگەرۋشىسى ايگۇل قونىسپاي قىزى ناسيلوۆاعا ءسوز بەرۋ.
تاربيەشى:
قۇرمەتتى اتا - انالار! سىزدەردى ءبىزدىڭ بالاباقشادا كورگەنىمىزگە قۋانىشتىمىز. جەل بەسىكتەن، جەر بەسىككە دەيىنگى ادام ومىرىندەگى تاربيەنىڭ ۇيىتقىسى اتا - انا مەن بالاباقشا. بولاشاق دەسەك تە، كەلەشەك دەسە دە بالا - ۇرپاق دەگەن ماعىنانى بىلدىرەدى.
ادامنىڭ وزگە تىرشىلىك يەسىنەن ايىرماشىلىعى – دۇنيەگە پەرزەنت اكەلگەن سوڭ، ونىڭ بولاشاعىن ويلاۋ، ادام ەتىپ تاربيەلەۋ.
بالا تاربيەسى – ءبىر وتباسىنىڭ عانا ەمەس، بۇكىل قوعامنىڭ مەملەكەتتىك ابىرويلى مىندەتى. كەزىندە ءال فارابي بابامىز «عىلىم ەمەس، ەڭ الدىمەن تاربيەگە كوڭىل ءبولۋ كەرەك، تاربيەسىز ادامعا عىلىم باياندى بولمايدى» - دەمەپ پە ەدى. وسىعان وراي بۇكىل اتا - انا تاربيەگە بەت بۇرۋى كەرەك. ۇرپاق تاربيەسىنە مۇددەلى ەكەندىگىن اتا - انالار ءىس - جۇزىندە دالەلدەپ وتىرۋلارى ءتيىس. مىنە وسىنداي ىنتىماق بىرلىگىندە عانا ويداعىداي ناتيجە بەرەرى اقيقات. ولاي بولسا ءبىز سىزدەرمەن ەڭ الدىمەن تانىسىپ الايىق.
ترەنينگ: «كەل تانىسايىق!»
اتا - انالار شەڭبەر قۇرىپ تۇرادى. «مەنىڭ ەسىمىم.... مەن... اناسىمىن (اكەسىمىن). ءوز بالاسى تۋرالى ايتا كەتۋ. سىزدەرمەن تانىسقانىما قۋانىشتىمىن»- دەپ جۇمساق ويىنشىقتى كورشى تۇرعان اتا - اناعا بەرىپ، ءار ءبىر اتا - انا ءوزىن تانىستىرىپ شىعادى.

اتا-انالار جينالىسى: بالانىڭ بالاباقشاعا بەيىمدەلۋى. جۇكتەۋ