اتا - انالارعا ترەنينگ
ترەنينگ تاقىرىبى: جانۇيا باقىتى
ماقساتى: وتباسى تاربيەسىندەگى اتا – انانىڭ بالاعا تاربيەلىك ىقپالىن ارتتىرۋ، تاربيەنىڭ ەڭ تاماشا جەرى وتباسى ەكەنىن، ولاردىڭ بالا تاربيەسىندەگى مۇمكىندىكتەرىنىڭ جوعارى ەكەنىن، بالامەن جاقسى قارىم - قاتىناس ورناتۋ، بالا تاربيەسىنە كوپ كوڭىل ءبولۋدىڭ ماڭىزدىلىعىن اشۋ.

بارىسى:
1. تانىسۋ جاتتىعۋى
2. «جانۇيا باقىتى» جاتتىعۋى
3. “سويلەمدى اياقتا” ادىستەمەسى.
4. تىنىشتىق ءساتى: (باياۋ مۋزىكانىڭ ۇنىمەن وتكىزىلەدى.) «گۇلدىڭ ويانۋى»
5. ساۋساق ويىنى « جۇدىرىق - الاقان - قابىرعا».
6. «تىلەك شامى». (قورىتىندىلاۋ)
پسيحولوگ: قوش كەلدىڭىزدەر، قۇرمەتتى اتا - انالار. بۇگىنگى ءبىزدىڭ وتىرىسىمىز ەرەكشە بولادى دەگەن ۇمىتپەن ترەنينگتى باستايمىز. ترەنينگىمىزدىڭ ەرەكشەلىگى سول، تاربيە پروسەسىندەگى قيىندىقتاردى ءبىز بوپ، ءسىز بوپ پىكىرلەسە وتىرىپ، ويىمىزدى تۇيىندەپ، ءومىر جولىندا پايدالانۋ. وتباسى - ادام بالاسىنىڭ التىن دىڭگەگى. ويتكەنى ادام ەڭ العاش شىر ەتىپ دۇنيەگە كەلگەن ساتىنەن باستاپ، وسىندا ەر جەتىپ، وتباسىنىڭ تاربيەسىن الادى. سوندىقتان دا وتباسى - ادامزاتتىڭ اسا قاجەتتى، ءارى قاسيەتتى التىن بەسىگى.
بالا قانشا ءبىلىم الىپ، مەكتەپ تابالدىرىعىن اتتاعانىمەن، ونىڭ ءومىرىنىڭ كوپ بولىگى اكە - شەشەسىنىڭ قاسىندا وتەدى ەكەن. ال سىزدەردىڭ اتا - انا، ومىرىڭىزدە ءۇش رەت مەكتەپكە باراتىنىڭىزدى ءارقاشان ەستەن شىعارماڭىز. ءبىرىنشى رەت – ءوزىڭىز، ەكىنشى رەت – بالاڭىز، ال ءۇشىنشى رەت – نەمەرەڭىز بارادى ەكەن. ەندەشە بۇگىنگى ترەنينگىمىزگە قاتىسىپ وتىرعان اتا - انالارعا ءاردايىم وسى بالالارىڭىزدىڭ قورعانى بولىپ، نەمەرە ءسۇيىپ بالاباقشاعا كەلە بەرىڭىزدەر دەمەكپىز! ولاي بولسا، بۇگىنگى ترەنينگىمىزدى باستاماستان بۇرىن وزدەرىمىزدى تانىستىرىپ وتەيىك.

ءى. «تانىسۋ» جاتتىعۋى
اتا - انالار ءوز ەسىمدەرىن جانە بالاسىنىڭ ەسىمىن ايتىپ ءوز بالاسىنىڭ بويىنداعى جاقسى قاسيەتتەردى اتاپ ايتۋ.

2.«جانۇيا باقىتى» جاتتىعۋى.
ماقساتى: اتا - انانىڭ بالا تاربيەسىندەگى قارىم — قاتىناسى تۋرالى تۇسىنىكتەر بەرۋ ارقىلى اتا - انالاردىڭ ءبىلىمىن كوتەرۋگە كومەكتەسۋ.
جاتتىعۋدىڭ شارتى: «باقىتتى جانۇيا» مودەلىن قۇرۋ. ياعني، اتا - انا ءوزىنىڭ وتباسىن سالۋ جانە وتباسى باقىتىن سۋرەت ارقىلى كورسەتىپ، سۋرەتتىڭ جان جاعىنا وتباسى سوزدەرى ارقىلى جەتكىزۋ كەرەك.

3 “سويلەمدى اياقتا” ادىستەمەسى.
— مەن ءوز وتباسىمدى جاقسى كورەم، سەبەبى….
— وتباسى بۇل…
— وتباسىم باقىتتى بولۋ ءۇشىن…
— وتباسىمدا زورلىق — زومبىلىققا جول جوق، سەبەبى…
— مەن قالار ەدىم وتباسىمنىڭ…

4. تىنىشتىق ءساتى: (باياۋ مۋزىكانىڭ ۇنىمەن وتكىزىلەدى.) «گۇلدىڭ ويانۋى»
تەرەڭ دەمالايىق! قۇدىرەتتى جارىق ءتۇسىپ تۇرعانىن ەلەستەتىپ كورىڭىزدەر. بۇل قايىرىمدىلىق، باقىت، بەيبىتشىلىك جانە قۋانىش جارىعى. قانداي تاماشا! قانە، سۇلۋلىقتى تاماشالاپ كورەيىك! بۇل تاڭعاجايىپ جارىق جۇرەگىمىزگە تىنىشتىق، قايىرىمدىلىق، سۇيىسپەنشىلىك اكەلسىن. ىشكى دۇنيەمىز تاپ - تازا، جاپ - جارىق بولىپ كەتتى. مىنە، كەرەمەت! جۇرەگىمىزدە ادەمى گۇل اشىلىپ كەلەدى. قانداي ادەمى! ءتۇرلى - ءتۇستى جاپىراقتار قۇلپىرىپ تۇر. بۇل ءسىزدىڭ وتباسىڭىز. ال گۇلدىڭ ورتاسىنداعى دوڭگەلەك بۇل ءسىزدىڭ بالاڭىز. بۇل ءجاي گۇل ەمەس، سۇيىسپەنشىلىك گ ۇلى. كوزىڭىڭىزدى جۇمىپ وسى گۇلدىڭ ەلەستەتىڭىزدەر. ول ءالى كىشكەنتاي. كۇن ونى جىلىتىپ، وسۋىنە كومەكتەسەدى. گۇلدىڭ ءيسىن يىسكەيمىز. مىنە، بىزدە قانداي عاجاپ گۇل پايدا بولدى.
ال، ەندى وسى ءساتتى قاعاز بەتىنە ءتۇسىرىپ، اتا - انالار اق پاراققا گۇلدىڭ سۋرەتىن سالىپ، گۇلدەستەرگە بالاسىنا دەگەن سۇيىسپەنشىلىگىن جازىپ، ءوز وي - پىكىرلەرىن ايتادى.
اتا - انالارعا ترەنينگ: جانۇيا باقىتى. جۇكتەۋ