اتىراۋ وبلىسى اكىمدىگىنىڭ “فەيسبۋكتەگى” پاراقشاسىندا وقۋشىلارعا ارنالعان ەرەكشە حابارلاما پايدا بولدى. ايماق باسشىسىنىڭ ءباسپاسوز قىزمەتى جاس ورەندەردى ارماندارىن قاعازعا ءتۇسىرىپ، پوچتا ارقىلى اكىمدىككە جىبەرۋدى سۇراعان.
“دوستارىڭا، جاقىندارىڭا، اۋىلىڭا، كوشەڭە ءوزىڭ قانداي جاقسىلىق جاساۋدى ارماندايسىڭ؟ ولارعا نەندەي نارسەلەر كەرەك؟ جاقىندارىڭا كومەكتەسۋ ءۇشىن ءوزىڭ نە ىستەپ جاتىرسىڭ جانە نە ىستەگىڭ كەلەدى؟ وسىلاردى جاقسىلاپ ويلان. سودان سوڭ سول ارماندارىڭ مەن ماقساتتارىڭدى قاعازعا ءتۇسىرىپ بىزگە جىبەر”، - دەلىنگەن حابارلامادا.
اكىمدىك وكىلدەرىنىڭ ايتۋىنشا، بۇل باستاما وقۋشىلاردى ارمانداۋعا، الدىندا ماقسات قويىپ سول باعىتتا جۇمىس ىستەۋگە ۇيرەتەدى.
اكىمدىك وكىلدەرى قالاممەن جازىلعان حاتتى اتىراۋ وبلىسى اكىمى اپپاراتى ءباسپاسوز قىزمەتى بولىمىنە جولداۋدى سۇراعان.