اتىراۋدا مۇناي وڭدەۋ زاۋىتىنىڭ قاسىنداعى ۇيلەردە تۇراتىن تۇرعىنداردىڭ كوپجىلدىق ماسەلەسى اقىرى شەشىلە باستادى. پروكۋراتۋرا تەكسەرىسى ءاموز-دىڭ سانيتارلىق-قورعانىش ايماعى بۇزۋشىلىقپەن انىقتالعانىن جانە كەيبىر تۇرعىن ۇيلەردى قامتىماعانىن كورسەتتى. ەندى ونىڭ شەكاراسى كەڭەيتىلىپ، ونداعان وتباسى ءقاۋىپسىز اۋداندارعا كوشە الادى. اكىمدىك زاۋىت باسشىلىعىمەن بىرلەسىپ، كوشىرۋ جوسپارىن دايىنداپ جاتىر، دەپ حابارلايدى infohub.kz سايتى.

اتىراۋ مۇناي وڭدەۋ زاۋىتىنىڭ شەكاراسى قايتا قارالىپ، ماڭايداعى ۇيلەردىڭ تۇرعىندارى كوشىرىلەدى. بۇرىن بەلگىلەنگەن سانيتارلىق-قورعانىش ايماعىنىڭ كونتۋرى قالا تۇرعىندارىنىڭ قۇقىعىن بۇزعان. تەكسەرۋدى مامانداندىرىلعان پروكۋراتۋرا جۇرگىزدى.

«اتاپ ايتقاندا، بۇرىن بەكىتىلگەن سانيتارلىق-قورعانىش ايماعىنىڭ شەكاراسىنا كاسىپورىنعا تىكەلەي ىرگەلەس جاتقان تۇرعىن ۇيلەر ەنگىزىلمەگەنى انىقتالدى. وسىعان بايلانىستى پروكۋرورلىق قاداعالاۋ اكتىسى ەنگىزىلىپ، ودان كەيىن سانيتارلىق-قورعانىش ايماعىنىڭ جاڭا جوباسى ازىرلەندى. جاڭارتىلعان شەكاراعا قوسىمشا تۇرعىن ءۇي مەكەنجايلارى ەنگىزىلدى. قازىرگى ۋاقىتتا جەرگىلىكتى اتقارۋشى ورگان زاۋىتپەن بىرلەسىپ ءىس-شارالار جوسپارىن ازىرلەپ، ونى ىسكە اسىرۋعا كىرىستى»، — دەدى پروكۋرور ميراس جالمۇرزين.

جاڭا جوبا قابىلدانعاننان كەيىن سانيتارلىق ايماقتىڭ اۋدانى 805 گەكتاردان 840 گەكتارعا دەيىن ۇلعايادى، الايدا ناقتى شەكارالار ءالى دە تۇزەتىلەتىن بولادى. بۇل وزگەرىستەردى نەگىزدەۋ ءۇشىن ەكولوگتار ءبىر جىل بويى ۇزدىكسىز زەرتتەۋلەر جۇرگىزدى.

«وسى جۇمىس اياسىندا ءبىر جىل بويى ءتيىستى زەرتتەۋلەر جۇرگىزىلدى. ءتورت ماۋسىمدى قامتىدىق: جاز، كوكتەم، كۇز، قىس. ونىڭ بارىسىندا جەل باعىتىن، لاستاۋشى زاتتاردىڭ تارالۋىن جانە ولاردىڭ تۇرلەرىن ەسكەرە وتىرىپ، بارلىق باعىت بويىنشا انىقتالدى. وسى ۇلكەن جۇمىستىڭ ارقاسىندا سانيتارلىق-قورعانىش ايماعىنىڭ شەكاراسى ازىرلەنىپ، انىقتالدى»، — دەيدى ءاموز وكىلى ارمان ديمۋكاشيەۆ.

قورعانىش بەلدەۋىنىڭ جاڭا شەكاراسىنا تۇرعىن ءۇي ءماسسيۆى كىرەدى، ودان 80-نەن استام جەكە ءۇيدىڭ تۇرعىندارىن كوشىرۋ جوسپارلانۋدا. قالالىق اكىمدىك مەملەكەتتىك قاجەتتىلىكتەر ءۇشىن ۋچاسكەلەردى ساتىپ الۋ قۇجاتتارىن دايىنداپ جاتىر.

«ونىڭ قۇزىرەتىنە تۇرعىنداردى حاباردار ەتۋ، ءتۇسىندىرۋ جۇمىستارىن جۇرگىزۋ، قاجەتتى قۇجاتتاردى راسىمدەۋ جانە ءراسىمدى تولىق سۇيەمەلدەۋ كىرەدى. سودان كەيىن قازاقستان رەسپۋبليكاسى جەر كودەكسىنىڭ تالاپتارىنا سايكەس بەكىتىلگەن سانيتارلىق-قورعانىش ايماعى شەگىندەگى بارلىق نىساندار مەملەكەتتىك قاجەتتىلىكتەر ءۇشىن الىنادى»، — دەدى اكىمدىكتىڭ رەسمي وكىلى گاسىربەك تولەگەن.

عيماراتتاردىڭ ناقتى سانى جوبا بەكىتىلگەننەن كەيىن انىقتالادى. م ۇلىكتى باعالاۋدى تاۋەلسىز ساراپشىلار جۇرگىزەدى. جاعداي وبلىس پروكۋرورىنىڭ جەكە باقىلاۋىندا قالىپ وتىر.