اتىراۋ وبلىسىنىڭ قۇرمانعازى اۋدانىندا جاڭا مەكتەپ عيماراتى دالادا، اقكول اۋىلىنان 3 كم-دەن استام جەردە بوي كوتەردى. اتا-انالار الاڭداۋلى: بالالار وقۋ ورنىنا ءوز بەتىنشە بارا المايدى، دەپ حابارلايدى infohub.kz سايتى.
جەرگىلىكتى تۇرعىنداردىڭ ايتۋىنشا، اۋىلدان مەكتەپكە دەيىنگى جول ءۇش شاقىرىمنان اسادى. اتا-انالار بالالارىنىڭ قاۋىپسىزدىگىنە الاڭداپ، ولاردى جالعىز جىبەرۋگە باتىلى بارماي وتىر.
«وتە الىس، قاشىقتىق 3–4 كم. بالا جاياۋ جۇرە المايدى. جاياۋ جۇرسە دە، جول ءبىر جارىم ساعاتتان استام ۋاقىت الادى. ول ءقاۋىپسىز اسفالت جولمەن جۇرمەيدى!» — دەيدى اۋىل تۇرعىنى داناگۇل سەرىكقالي قىزى.
اقكول تۇرعىندارى مەكتەپكە اپاراتىن توپىراق جولدىڭ مۇلدە جارىقتاندىرىلماعانىن اتاپ ءوتتى. سوندىقتان اتا-انالار بالالاردىڭ قاۋىپسىزدىگىنە الاڭداۋلى.
«تۇمان بولادى، ءارتۇرلى جاعداي بولادى. بالاعا ءقاۋىپ ءتونىپ تۇر. جارىق جوق، ەشتەڭە جاسالماعان. بۇل ءبىزدىڭ قاتەلىگىمىز — بارلىق جاعداي جاسالمايىنشا، مەكتەپتىڭ اشىلۋىنا جول بەرمەۋ كەرەك ەدى. بالالار تەمىرجول جانىنداعى ەسكى مەكتەپتە وقۋى ءتيىس ەدى. ءقازىر بالالارىمىزعا ءقاۋىپ ءتونىپ تۇر دەپ ەسەپتەيمىز»، — دەيدى جەرگىلىكتى تۇرعىن جانسەيىت احات ۇلى.
تۇرعىندار اۋداندىق ءبىلىم بولىمىنە قىس مەزگىلىندە بالالاردى مەكتەپكە جانە كەرى قايتارۋ ءۇشىن اۆتوبۋس ءبولۋدى سۇراپ جۇگىندى.
«وسى ماسەلەلەردىڭ بارلىعى، اتا-انالاردىڭ بالالاردىڭ قاشىقتىققا بايلانىستى مەكتەپكە بارا الماۋى تۋرالى شاعىمدارى ءتيىستى ورگاندارعا جەتكىزىلىپ، جولدانادى. ءقازىر اۋداندىق ءبىلىم ءبولىمىنىڭ بۇل ماسەلەنى ءوز كۇشىمەن شەشۋگە مۇمكىندىگى جوق. سوندىقتان ءبىز وبلىستىق ءبىلىم باسقارماسىنا وسى ماسەلە بويىنشا ۇسىنىس دايىنداپ جاتىرمىز»، — دەيدى ءبىلىم ءبولىمىنىڭ باسشىسى جىگەر جانقانوۆ.