اتىراۋ وبلىسىندا ۋاقىتشا ۇستاۋ يزولياتورىنىڭ باستىعى گرۋزياعا جاياۋ بارا جاتقان شەتەلدىك تۋريستەرگە كومەك كورسەتتى، دەپ حابارلايدى infohub.kz سايتى.
ءىىم ءباسپاسوز قىزمەتىنىڭ مالىمەتىنشە، وقيعا 22 تامىزدا اتىراۋ — استراحان تاس جولىندا بولعان. چيلي مەن جۇڭگو ازاماتتارى جاياۋ ساياحاتتاپ كەلە جاتىپ، قاتتى ىستىقتان اۋىز سۋسىز قالىپ، جول جيەگىندە توقتاۋعا ءماجبۇر بولعان.
وسى كەزدە تاس جولمەن قىزمەت بابىمەن كۋرمانعازى اۋدانى پوليسيا ءبولىمىنىڭ ۋاقىتشا ۇستاۋ يزولياتورىنىڭ باستىعى ەرسىن عاينەتوۆ ءوتىپ بارا جاتقان. شەتەلدىك ساياحاتشىلاردى بايقاعان پوليسەي بەي-جاي قالماي، كومەك كورسەتۋ ءۇشىن توقتاعان. ول تۋريستەردىڭ دەنساۋلىعىن سۇراپ، ولارعا قاجەتتى سۋسىندار ساتىپ الىپ، جەتكىزىپ سالۋدى ۇسىنعان. سونداي-اق ول ولارعا باعىتتى انىقتاۋعا كومەكتەسىپ، جولدى ءقاۋىپسىز جالعاستىرۋ ءۇشىن قاجەتتى كەڭەستەر بەرگەن.
ساياحاتشىلار كورسەتىلگەن كومەك ءۇشىن العىس بىلدىرگەن. شەتەلدىك قوناقتار ولاردىڭ تۇپكى ماقساتى — گرۋزيا ەكەنىن ايتقان. ساياحاتتى ولار قازاقستان اۋماعى ارقىلى جالعاستىرعان.