اتىراۋ وبلىسىندا اتا-اناسىن ءولتىردى دەگەن كۇدىكپەن يندونەزيادا ۇستالعان اقبايان مۇقانعاليەۆا مەن سۇلتان سارسەماليەۆكە قاتىستى جاڭا دەرەكتەر شىقتى. جەلىدە ەرلى-زايىپتىلاردىڭ قولىنا كىسەن سالىنعان كۇيى تۇسكەن سۋرەتتەرى پايدا بولدى.
بۇل تۋرالى Infohub.kz اقپارات اگەنتتىگى حابارلايدى.
سۋرەتتە سۇلتان سارسەماليەۆتىڭ ەكى قولىنا دا كىسەن سالىنعانى، ال جانىندا وتىرعان اقبايان مۇقانعاليەۆانىڭ قولىندا كىسەننىڭ جوق ەكەنى بايقالادى. ولاردىڭ ارتىندا تۇرعان ادامدار يندونەزيا پوليسياسى قىزمەتكەرلەرى بولۋى مۇمكىن.
قاماۋعا الۋ جانە ەكستراديسيالاۋ
بۇعان دەيىن ەرلى-زايىپتىلار لومبوك ارالىنىڭ سەنارۋ اۋىلىندا ۇستالعان بولاتىن. قازىرگى ۋاقىتتا ولاردى قازاقستانعا ەكستراديسيالاۋ ماسەلەسى قاراستىرىلىپ جاتىر. ارنايى وپەراسيا 24 اقپاندا جۇرگىزىلگەن. قۇقىق قورعاۋ ورگاندارى قوناقۇيگە كىرگەن كەزدە سارسەمالييەۆ قاشۋعا تىرىسقانىمەن، ۇستالىپ قالعان.
جەلىدەگى پىكىرلەر
الەۋمەتتىك جەلى قولدانۋشىلارى اقباياننىڭ جاعدايىنا الاڭداۋشىلىق ءبىلدىرىپ، ونىڭ ەسىن بىلمەيتىندەي، وزدىگىنەن ءجۇرىپ-تۇرا المايتىن حالدە ەكەنىن ايتۋدا.
قىلمىسقا قاتىستى مالىمەتتەر
ەسكە سالا كەتەيىك، سارسەمالييەۆ پەن مۇقانعاليەۆا بىلتىر قاراشا ايىندا اتىراۋ وبلىسىنىڭ جانگەلدين اۋىلىندا مۇقانعاليەۆانىڭ اتا-اناسىن ءولتىردى دەگەن كۇدىككە ىلىنگەن. قازا تاپقان ەرلى-زايىپتىنىڭ دەنەلەرى ءوز ۇيلەرىنىڭ قورا-جايىنىڭ استىنان تابىلعان. تەرگەۋ نۇسقاسى بويىنشا، كۇدىكتىلەر قىلمىس ىزدەرىن جاسىرىپ، م ۇلىكتەر مەن اقشانى يەمدەنگەن.