ەكى كۇننەن استام ۋاقىت بويى بايلانىسسىز قالعان اتىراۋ قالاسىنىڭ تۋماسى ەۆگەني زاگوركو گونكونگتاعى اۋرۋحانادان تابىلدى. ونىڭ قازىرگى جاعدايى تۋرالى ناقتى مالىمەت ازىرگە جوق.
بۇل تۋرالى Infohub.kz اقپارات اگەنتتىگى حابارلايدى.
قۇقىق قورعاۋ ورگاندارى مەن كونسۋلدىق قىزمەتتەر تاراپىنان دا رەسمي حابارلاما ءالى جاريالانبادى. بۇعان دەيىن ەۆگەني زاگوركونىڭ 20 ناۋرىزدان 21 ناۋرىزعا قاراعان ءتۇنى بايلانىسقا شىقپاي قالعانى حابارلانعان بولاتىن. ول سوڭعى رەت «Trilogy» تۇنگى كلۋبىندا بولعان، سودان كەيىن جالدامالى پاتەرىنە ورالماعان جانە حابارلامالارعا جاۋاپ بەرمەگەن.
بۇعان دەيىنگى اقپاراتتاردا ول iSQUARE ساۋدا ورتالىعىنداعى Ruby International اپارتامەنتىندە تۇرعانى، جەكە زاتتارى ورنىندا قالعانى ايتىلعان ەدى. تۋىستارى ونىڭ جاعدايىنا الاڭداپ، ىزدەۋگە كومەك سۇراعان بولاتىن.