اتىراۋ وبلىسىنىڭ تۇرعىندارى حالىقارالىق ەكولوگيالىق "جەر ساعاتى" اكسياسىنا قاتىسۋعا شاقىرىلدى. بۇل تۋرالى وڭىرلىك ەكولوگيا دەپارتامەنتى حابارلادى.
اكسيا 28 ناۋرىز 2026 جىلى ساعات 20:30-دان 21:30-عا دەيىن وتەدى. وسى ۋاقىت ارالىعىندا بارلىق تۇرعىندار مەن مەكەمەلەردى جارىقتى جانە ەلەكتر قۇرىلعىلارىن وشىرۋگە شاقىرادى.
"جەر ساعاتى" – بۇل كليماتتىڭ وزگەرۋ ماسەلەسىنە نازار اۋدارۋدى جانە ەنەرگيا مەن تابيعي رەسۋرستاردى ۇنەمدەۋدىڭ ماڭىزدىلىعىن ەسكە سالۋدى ماقسات ەتەتىن حالىقارالىق ەكولوگيالىق باستاما.
اكسيا اياسىندا تۇرعىن ۇيلەردە، كەڭسەلەردە، مەملەكەتتىك مەكەمەلەردە، سونداي-اق مۇراجايلار مەن تەاترلاردا ءبىر ساعات بويى جارىقتى ءوشىرۋ ۇسىنىلادى.
ەكولوگيا دەپارتامەنتى وبلىس تۇرعىندارىن، مەملەكەتتىك قىزمەتكەرلەر مەن كاسىپكەرلەردى بۇل باستامانى قولداۋعا شاقىردى.