دۇنيەتانۋ
ساباقتىڭ تاقىرىبى: اۋا – جەردىڭ قورعانى. اۋانى قورعاۋ.
ساباقتىڭ ماقساتى: ا) اۋا تۋرالى تۇسىنىك قالىپتاستىرۋ. وقۋشىلاردى اۋانىڭ قۇرامى جانە قاسيەتتەرىمەن تانىستىرۋ.
ءا) تابيعات پەن ادام ءۇشىن اۋا قانداي ءرول اتقاراتىنىن تانىستىرۋ.
ب) اۋانى قورعاۋعا تاربيەلەۋ.
ساباقتىڭ كورنەكىلىگى: «اۋانىڭ قۇرامى» تىرەك - سىزبا، «اۋانىڭ قاسيەتتەرى» دەگەن كەستە.
ساباقتىڭ ءادىسى: سۇراق - جاۋاپ، بايانداۋ، اڭگىمەلەۋ.
ساباقتىڭ ءتۇرى: جاڭا ساباق.
ساباقتىڭ بارىسى:

ءى. ۇيىمداستىرۋ ءبولىمى.
وقۋشىلاردىڭ ساباققا دايىندىعىن قاداعالاۋ.

ءىى. وتكەندى قايتالاۋ.
1. پسيحولوگيالىق كوڭىل - كۇي.
2. ءۇي تاپسىرماسىن سۇراۋ.

ءىىى. جاڭا ساباق
- بالالار، جەردىڭ اينالاسىن اۋا قاباتى قورشاپ تۇر. بوس كەڭىستىكتىڭ بارىندە اۋا تولىپ تۇرادى. اۋا كوزگە كورىنبەيدى، ونى سەزىم مۇشەسىمەن عانا بىلەمىز. جەل – اۋانىڭ قوزعالىسى. ءبىزدىڭ عالامشارىمىزدى قورشاپ تۇرعان اۋا قاباتىن اتموسفەرا دەپ اتايدى.
اتموسفەرا – بۇل جۇزدەگەن كيلومەترگە سوزىلعان الىپ اۋا قاباتى. اتموسفەرانىڭ قالىڭدىعى عالامشاردىڭ ءار جەرىندە ءارتۇرلى. اتموسفەرا جەر شارىن زياندى كۇن ساۋلەلەرىنەن قورعايدى.
اۋانىڭ قۇرامى مەن ونىڭ قاسيەتتەرىن العاش دجوزەف پريستلي مەن انتۋان لاۆۋازن زەرتتەدى.
اۋانىڭ قۇرامى مەن قاسيەتتەرى.

تاقتاعا «اۋانىڭ قۇرامى» دەگەن كەستە ىلىنەدى.
كومىرقىشقىل گازى 1%
وتتەگى 21%
ازوت 78%
عالىمدار اۋانىڭ كوپتەگەن گازداردان تۇراتىنىن وسىدان ەكى عاسىر بۇرىن عانا ءبىلدى.
اۋا – كوپتەگەن گازداردىڭ قوسپاسى، ونىڭ قۇرامىندا ازوت – 78%، كومىرقىشقىل گازى - 1%، وتتەگى – 21%.

«اۋانىڭ قاسيەتتەرى» دەگەن كەستەمەن جۇمىس.
نەگىزگى ءسوز - اۋا
اۋانىڭ قاسيەتتەرى - ءمولدىر، ءتۇسسىز، سالماعى جوق، ءيىسى جوق، جىلى، سۋىق، قىزدىرعاندا كەڭەيەدى، سۋىقتان سىعىلادى.

1. پىكىرتالاس.
- اۋا تازا بولۋ كەرەك پە؟
- ادام اۋانى نەگە لاستاماۋ كەرەك؟ وسى پىكىردى قالاي تۇسىنەسىڭدەر؟

2. رولدىك ويىن.
ءار توپ مۇشەلەرى وزدەرى ءۇشىن اۋانىڭ ماڭىزىن تۇسىندىرۋلەرى كەرەك.
1 - توپ ادامداردىڭ اتىنان سويلەيدى.
2 - توپ ەكولوگتاردىڭ اتىنان سويلەيدى.
3 - توپ جانۋارلار اتىنان سويلەيدى.

ورال قالاسى،
№42 «اق نيەت» گيمنازياسى
باستاۋىش سىنىپ ءمۇعالىمى شايەۆا ا. س.
اۋا – جەردىڭ قورعانى. اۋانى قورعاۋ جۇكتەۋ