قازگيدرومەتتىڭ بولجامىنشا، 19 شىلدەدە قازاقستاننىڭ باسىم بولىگىندە اۋا رايى قاراما-قايشى بولادى: ءبىر وڭىرلەردە توتەنشە ىستىق، ەكىنشىلەرىندە نوسەر، نايزاعاي، بۇرشاق جانە ەكپىندى جەل كۇتىلەدى، دەپ حابارلايدى infohub.kz.
ەلدىڭ باسىم بولىگىندە نايزاعايلى جاڭبىر جاۋادى. بۇكىل قازاقستان بويىنشا داۋىلدى ەسكەرتۋ جاريالاندى. استانادا جاڭبىر مەن نايزاعاي كۇتىلەدى. قاراعاندى، اقمولا، قوستاناي، پاۆلودار، سولتۇستىك قازاقستان، باتىس قازاقستان، اقتوبە، شىعىس قازاقستان جانە اباي وبلىستارىندا نايزاعاي، كەي جەرلەردە قاتتى جاڭبىر، بۇرشاق جانە جەلدىڭ ەكپىنى 20–25 م/س جەتەدى دەپ بولجانۋدا. قىزىلوردا وبلىسىندا كۇندىز 44 گرادۋس ىستىق كەزىندە شاڭدى داۋىل بولادى. ال جەتىسۋ وبلىسىندا 19–20 شىلدەدە الاكول كولدەرى اۋدانىندا سولتۇستىك-شىعىس جەلدىڭ ەكپىنى 23–28 م/س دەيىن كۇشەيەدى.
ەڭ كۇشتى ىستىق ەلدىڭ وڭتۇستىگىندە كۇتىلەدى. تۇركىستان وبلىسىندا اۋا 45–48 گرادۋسقا دەيىن، جامبىل وبلىسىندا 43–45 گرادۋسقا دەيىن قىزادى. الماتى وبلىسى مەن جەتىسۋ وبلىسىندا 40–45 گرادۋس، قىزىلوردا وبلىسىندا 40–44 گرادۋس بولادى. اقمولا، پاۆلودار، قاراعاندى، شىعىس قازاقستان وبلىستارى، سونداي-اق اباي جانە ۇلىتاۋ وبلىستارىندا تەمپەراتۋرا 35–39 گرادۋسقا، كەي جەرلەردە 42 گرادۋسقا دەيىن كوتەرىلەدى.
ءانومالدى ىستىققا بايلانىستى كوپتەگەن وڭىرلەردە ءورت ءقاۋپى جوعارى جانە توتەنشە دەڭگەيدە ساقتالۋدا. تۇرعىندار ساق بولۋعا، اشىق جەردە وت جاقپاۋعا جانە مۇمكىندىگىنشە كۇننىڭ كوزىنە ۇزاق ۋاقىت قالماۋعا شاقىرىلادى. بۇعان دەيىن سينوپتيكتەر كەيبىر وڭىرلەردە اۋا تەمپەراتۋراسى +21 گرادۋسقا دەيىن تومەندەيتىنىن حابارلاعان بولاتىن.