سينوپتيكتەردىڭ بولجامىنشا، الداعى كۇندەرى قازاقستاننىڭ باسىم بولىگىندە نايزاعايلى جاڭبىر، كەي جەرلەردە قاتتى نوسەر، بۇرشاق جانە قۇيىندى جەل كۇتىلەدى، ال وڭتۇستىكتە +44 گرادۋسقا دەيىن شىجىعان ىستىق ساقتالادى، دەپ infohub.kz سايتى حابارلايدى.
ەڭ جوعارى تەمپەراتۋرا قىزىلوردا وبلىسىندا كۇتىلەدى — +44 گرادۋسقا دەيىن. تۇركىستان جانە ماڭعىستاۋ وبلىستارىندا اۋا +42 گرادۋسقا دەيىن جىلىنادى، اقتوبە وبلىسىنىڭ وڭتۇستىگى مەن شىعىسىندا +41 گرادۋسقا دەيىن. +35…+38 گرادۋسقا دەيىنگى ىستىق اتىراۋ، قاراعاندى، پاۆلودار، قوستاناي، اقمولا، الماتى، سولتۇستىك قازاقستان وبلىستارىندا، سونداي-اق جەتىسۋ، ۇلىتاۋ جانە اباي وبلىستارىندا دا بولجانادى.
استانادا كۇندىز اۋا تەمپەراتۋراسى +35 گرادۋسقا دەيىن جەتەدى.
ىستىققا بايلانىستى كوپتەگەن وڭىرلەردە ءورت ءقاۋپى جوعارى نەمەسە توتەنشە دەڭگەيدە ساقتالۋدا. ەڭ قيىن جاعداي قىزىلوردا، تۇركىستان، جامبىل، اتىراۋ وبلىستارىندا، سونداي-اق الماتى، قاراعاندى، پاۆلودار، اقتوبە، قوستاناي، اقمولا، شىعىس قازاقستان، باتىس قازاقستان، ماڭعىستاۋ وبلىستارىنىڭ، اباي، جەتىسۋ جانە ۇلىتاۋ وبلىستارىنىڭ جەكەلەگەن اۋداندارىندا كۇتىلەدى.
ەلدىڭ بارلىق دەرلىك ايماعىندا داۋىل ەسكەرتۋى جاريالاندى. اقتوبە، باتىس قازاقستان، قوستاناي، سولتۇستىك قازاقستان، اباي جانە شىعىس قازاقستان وبلىستارىندا نايزاعاي، بۇرشاق، قۇيىن جانە جەلدىڭ ەكپىنى 23 م/س دەيىن جەتەدى دەپ بولجانۋدا. پاۆلودار وبلىسىندا دا نايزاعاي مەن بۇرشاق كۇتىلەدى، اتىراۋ جانە ماڭعىستاۋ وبلىستارىندا جەلدىڭ كۇشەيۋىمەن نايزاعاي، ال تۇركىستان وبلىسىندا جەلدىڭ ەكپىنى 28 م/س دەيىن جەتۋى مۇمكىن.
بۇعان دەيىن سينوپتيكتەر قازاقستاندىقتارعا تامىز ايىندا كەيبىر وڭىرلەردە اۋا تەمپەراتۋراسى +25 گرادۋسقا دەيىن تومەندەيتىنىن ايتقان بولاتىن.