سينوپتيكتەر قازاقستانداعى قىركۇيەك ايىنا كونسۋلتاتيۆتىك اۋا رايى بولجامىن ۇسىندى. ولاردىڭ دەرەگىنشە، 30 گرادۋستىق ىستىق ايماقتارعا ءالى قايتا ورالادى، دەپ حابارلايدى infohub.kz سايتى.
بولجام بويىنشا، قىركۇيەكتىڭ باسى ەلدىڭ باتىس جانە وڭتۇستىك ايماقتارىندا جازعى ىستىق بولادى. سولتۇستىك، ورتالىق جانە شىعىس وبلىستاردا كۇزگى اۋا رايى كۇتىلەدى: جاۋىن-شاشىن وتەدى، جاڭبىردىڭ قارعا اينالۋى جانە ەكپىندى جەل بولۋى مۇمكىن.
ءبىرىنشى ونكۇندىكتىڭ ورتاسىنان باستاپ رەسپۋبليكانىڭ باسىم بولىگىندە جاۋىن-شاشىنسىز اۋا رايى ورناپ، تەمپەراتۋرالىق فون ايتارلىقتاي جوعارىلايدى. باتىستا، سولتۇستىك-باتىستا جانە وڭتۇستىك-باتىستا كۇندىز اۋا +25...+35°س-قا دەيىن جىلىنادى. سولتۇستىكتە، سولتۇستىك-باتىستا (قوستاناي وبلىسىندا)، ورتالىقتا جانە شىعىستا تۇندە 0-دەن +8°س-قا دەيىن، جەر بەتىندە 1-3° اياز بولۋى مۇمكىن، كۇندىز تەمپەراتۋرا +10...+18°س-تان +22...+30°س-قا دەيىن جەتەدى. ەلدىڭ وڭتۇستىگىندە تۇندە +13...+20°س، كۇندىز +25...+35°س بولادى. وڭتۇستىك-شىعىستا تۇندە +10...+18°س، كۇندىز +20...+28°س-تان +25...+33°س-قا دەيىن جوعارىلايدى.
ءبىرىنشى ونكۇندىكتىڭ ەكىنشى جارتىسىندا باتىستا جانە سولتۇستىك-باتىستا، سودان كەيىن ەلدىڭ قالعان اۋماعىندا كەزەكتى سولتۇستىك-باتىس سيكلونىمەن تۇراقسىز اۋا رايى، جاۋىن-شاشىن جانە جەلدىڭ كۇشەيۋى كۇتىلەدى، ىستىقتىڭ تومەندەۋى بولادى.
قىركۇيەكتىڭ ەكىنشى جانە ءۇشىنشى ونكۇندىكتەرىندە تەمپەراتۋرالىق فون وڭ ماندەردەن ايازعا دەيىن تومەندەۋىمەن اۋىتقۋى كۇتىلەدى. باتىس جانە سولتۇستىك-باتىس ايماقتاردا تۇندە 0-دەن +5°س-قا دەيىن، جەر بەتىندە 3°-قا دەيىن اياز بولۋى مۇمكىن، كۇندىز +27...+35°س-تان +12...+22°س-قا دەيىن. ەلدىڭ سولتۇستىگىندە، ورتالىعىندا جانە شىعىسىندا تۇندە 0-دەن +5°س-قا دەيىن، جەر بەتىندە 3°-قا دەيىن اياز، كۇندىز +20...+30°س-تان +8...+17°س-قا دەيىن. قازاقستاننىڭ وڭتۇستىك جارتىسىندا تۇندە +2-دەن +10°س-قا دەيىن، تاۋلى اۋدانداردا 1-6° اياز، كۇندىز +25...+33°س-تان +15...+22°س-قا دەيىن.
جالپى قىركۇيەكتە ەلدىڭ باسىم بولىگىندە ورتاشا اۋا تەمپەراتۋراسى كليماتتىق نورماعا جۋىق بولادى. سونىمەن قاتار باتىس قازاقستان وبلىسىندا، اتىراۋ وبلىسىنىڭ باتىسىندا جانە ماڭعىستاۋ وبلىسىندا تەمپەراتۋرا نورمادان 1°-قا جوعارى بولادى. جاۋىن-شاشىن مولشەرى نەگىزىنەن نورما شەگىندە بولادى. ادەتتەگىدەن كوپ جاۋىن-شاشىن ەلدىڭ توتەنشە باتىسىندا، سولتۇستىك-باتىسىندا جانە سولتۇستىك-شىعىس بولىگىندە كۇتىلەدى، نورمادان از — نەگىزىنەن وڭتۇستىك جانە وڭتۇستىك-باتىس ايماقتاردا.