سينوپتيكتەر 4 قىركۇيەكتە قازاقستاننىڭ ءبىرقاتار وڭىرىندە داۋىلدى ەسكەرتۋ جاريالادى. كەيبىر ايماقتاردا اياز بولجانىپ وتىر، دەپ حابارلايدى infohub.kz سايتى.

الماتىدا مەدەۋ جانە بوستاندىق اۋداندارىنىڭ تاۋلى ايماقتارىندا (ىلە الاتاۋى تاۋلارى) كۇندىز قىسقا مەرزىمدى جاڭبىر مەن نايزاعاي كۇتىلەدى، تۇندە جانە تاڭەرتەڭ تۇمان تۇسەدى.

الماتى وبلىسىندا تۇندە تاۋ بوكتەرىندەگى اۋدانداردا جاڭبىر مەن نايزاعاي وتەدى، تاۋلى اۋدانداردا جاڭبىر مەن قار ارالاس جاۋىن-شاشىن بولادى. كۇندىز تاۋ بوكتەرى مەن تاۋلى اۋدانداردا قىسقا مەرزىمدى جاڭبىر، نايزاعاي جانە بۇرشاق ءتۇسۋى مۇمكىن. تۇندە جانە تاڭەرتەڭ تاۋدا تۇمان تۇسەدى. جەل سولتۇستىك-شىعىستان سوعادى، كۇندىز وبلىستىڭ شىعىسىندا ەكپىنى 15-20 م/س جەتەدى. وبلىستىڭ ورتالىعىندا، باتىسىندا جانە شىعىسىندا توتەنشە ءورت ءقاۋپى ساقتالادى، سولتۇستىگىندە جوعارى.

اقمولا وبلىسىندا تۇندە جانە تاڭەرتەڭ باتىسى مەن سولتۇستىگىندە تۇمان كۇتىلەدى، سولتۇستىگىندە جوعارى ءورت ءقاۋپى ساقتالادى.

جەتىسۋ وبلىسىندا كۇندىز تاۋلى اۋدانداردا سينوپتيكتەر جاڭبىر مەن نايزاعاي ۋادە ەتەدى. وبلىستىڭ سولتۇستىگىندە جوعارى ءورت ءقاۋپى، وڭتۇستىك پەن شىعىستا توتەنشە ءورت ءقاۋپى ساقتالادى.

ماڭعىستاۋ وبلىسىندا كۇندىز سولتۇستىكتە، وڭتۇستىكتە جانە ورتالىقتا شاڭدى داۋىل كۇتىلەدى. جەل وڭتۇستىك-شىعىستان سوعادى، كۇندىز باتىستا، وڭتۇستىكتە جانە ورتالىقتا ەكپىنى 15-20 م/س. وبلىستىڭ باتىسى مەن سولتۇستىگىندە توتەنشە ءورت ءقاۋپى، ورتالىعىندا جوعارى ءورت ءقاۋپى ساقتالادى.

شىعىس قازاقستان وبلىسىندا تۇندە جانە تاڭەرتەڭ سولتۇستىكتە، شىعىستا جانە ورتالىقتا تۇمان كۇتىلەدى. تۇندە تاۋلى اۋدانداردا 3 گرادۋسقا دەيىن اياز بولادى.

اباي وبلىسىندا تۇندە جانە تاڭەرتەڭ سولتۇستىك پەن ورتالىقتا تۇمان تۇسەدى. جەل سولتۇستىك، سولتۇستىك-شىعىستان سوعادى، كۇندىز وڭتۇستىك-باتىستا ەكپىنى 15-18 م/س. تۇندە وبلىستىڭ شىعىسىندا 2 گرادۋسقا دەيىن اياز كۇتىلەدى. وڭتۇستىگىندە جوعارى ءورت ءقاۋپى ساقتالادى.

قاراعاندى وبلىسىندا وڭتۇستىك-شىعىستا جەل سولتۇستىك-شىعىستان سوعادى، ەكپىنى 15 م/س. ورتالىقتا جوعارى ءورت ءقاۋپى ساقتالادى.

اتىراۋ وبلىسىندا كۇندىز باتىس پەن سولتۇستىكتە شاڭدى داۋىل كۇتىلەدى. جەل وڭتۇستىك-شىعىستان سوعادى، كۇندىز باتىستا جانە سولتۇستىكتە ەكپىنى 15-18 م/س. وبلىس بويىنشا توتەنشە ءورت ءقاۋپى ساقتالادى.

ۇلىتاۋ وبلىسىندا 4 قىركۇيەكتە توتەنشە ءورت ءقاۋپى ساقتالادى.

باتىس قازاقستان وبلىسىندا كۇندىز باتىستا سينوپتيكتەر جاڭبىر مەن نايزاعاي ۋادە ەتەدى. جەل وڭتۇستىك-شىعىستان، وڭتۇستىكتەن سوعادى، كۇندىز باتىستا جانە وڭتۇستىكتە ەكپىنى 15-20 م/س. توتەنشە ءورت ءقاۋپى ساقتالادى، سولتۇستىك-باتىستا جوعارى.

سولتۇستىك قازاقستان وبلىسىندا كۇندىز سولتۇستىك پەن شىعىستا قىسقا مەرزىمدى جاڭبىر مەن نايزاعاي كۇتىلەدى. تۇندە جانە تاڭەرتەڭ وڭتۇستىكتە تۇمان تۇسەدى.

تۇركىستان وبلىسىندا كۇندىز تاۋلى اۋدانداردا قىسقا مەرزىمدى جاڭبىر مەن نايزاعاي بولجانادى. كۇندىز باتىستا جانە سولتۇستىكتە شاڭدى داۋىل سوعادى. جەل سولتۇستىك-شىعىستان، باتىستا، سولتۇستىكتە، تاۋلى جانە تاۋ بوكتەرىندەگى اۋدانداردا 15-20 م/س، كۇندىز ەكپىنى 23-28 م/س. توتەنشە ءورت ءقاۋپى ساقتالادى.

قوستاناي وبلىسىندا تۇندە جانە تاڭەرتەڭ باتىس پەن سولتۇستىكتە تۇمان كۇتىلەدى. سولتۇستىك-باتىستا جوعارى ءورت ءقاۋپى، وڭتۇستىكتە، وڭتۇستىك-شىعىستا جانە ورتالىقتا توتەنشە ءورت ءقاۋپى ساقتالادى.

قىزىلوردا وبلىسىندا كۇندىز وڭتۇستىكتە شاڭدى داۋىل بولادى. جەل سولتۇستىك-شىعىستان سوعادى، كۇندىز وڭتۇستىكتە 15-20 م/س. وبلىس بويىنشا توتەنشە ءورت ءقاۋپى ساقتالادى.

جامبىل وبلىسىندا تاۋلى اۋدانداردا سينوپتيكتەر جاڭبىر مەن نايزاعاي ۋادە ەتەدى. جەل سولتۇستىك-شىعىستان، وڭتۇستىك-باتىستا، سولتۇستىك-شىعىستا جانە تاۋلى اۋدانداردا 15-20 م/س. توتەنشە ءورت ءقاۋپى ساقتالادى.

پاۆلودار وبلىسىندا تۇندە جانە تاڭەرتەڭ وڭتۇستىكتە، شىعىستا جانە ورتالىقتا تۇمان كۇتىلەدى.