سينوپتيكتەر 15-17 تامىز ارالىعىندا قازاقستاننىڭ بارلىق دەرلىك ايماعىندا اۋا تەمپەراتۋراسىنىڭ تومەندەيتىنىن بولجاپ وتىر، دەپ حابارلايدى infohub.kz.
«قازگيدرومەت» رمك بولجامى بويىنشا، اتموسفەرالىق فرونتتاردىڭ وتۋىنە بايلانىستى رەسپۋبليكانىڭ باسىم بولىگىندە جاڭبىر، نايزاعاي، ەكپىندى جەل جانە بۇرشاق جاۋادى. تەك ەلدىڭ باتىسىندا جانە قىزىلوردا وبلىسىندا جاۋىن-شاشىنسىز بولادى. سونىمەن قاتار، باتىستا، سولتۇستىك-باتىستا، سولتۇستىكتە جانە ورتالىقتا تۇندە جانە تاڭەرتەڭ تۇمان ءتۇسۋى مۇمكىن.
قاتتى جاڭبىر 15 تامىزدا قوستاناي وبلىسىندا، 15-16 تامىزدا سولتۇستىك قازاقستان جانە اقمولا وبلىستارىندا، 16 تامىزدا پاۆلودار وبلىسىندا وتەدى.
ال تەمپەراتۋراعا كەلەر بولساق، ەلدىڭ باتىسىندا كۇندىز 18-26 جىلىلىقتان 25-33 جىلىلىققا دەيىن كوتەرىلەدى. اقتوبە وبلىسىندا ايتارلىقتاي وزگەرىس كۇتىلمەيدى: نەگىزگى فون 20-30 جىلىلىقتى قۇرايدى.
تەمپەراتۋرانىڭ تومەندەۋى كەلەسى ايماقتاردا كۇتىلەدى:
قوستاناي جانە سولتۇستىك قازاقستان وبلىستارىندا تۇندە — 15-20 جىلىلىقتان 7-12 جىلىلىققا دەيىن، كۇندىز — 20-30 جىلىلىقتان 15-20 جىلىلىققا دەيىن.
اقمولا جانە پاۆلودار وبلىستارىندا تۇندە — 15-20 جىلىلىقتان 10-15 جىلىلىققا دەيىن، كۇندىز — 30-35 جىلىلىقتان 17-25 جىلىلىققا دەيىن.
ورتالىق جانە شىعىس ايماقتاردا اپتاپ ىستىقتىڭ باسىلۋى كۇتىلەدى. بۇل ايماقتاردىڭ وڭتۇستىگىندە كۇندىزگى تەمپەراتۋرا 40-41 جىلىلىقتان 23-33 جىلىلىققا دەيىن تومەندەيدى.
قازاقستاننىڭ وڭتۇستىگىندە 38-44 گرادۋستىق اپتاپ ىستىق 30-37 جىلىلىققا دەيىن باسىلادى.
ەلدىڭ وڭتۇستىك-شىعىسىندا تەمپەراتۋرا 40-43 جىلىلىقتان 30-36 جىلىلىققا دەيىن تومەندەيدى.