اۋستريادا جاڭا وقۋ جىلىنىڭ باستالۋىمەن 14 جاسقا تولماعان قىزداردىڭ مەكتەپتەردە ءداستۇرلى مۇسىلماندىق باس كيىمدەرىن كيۋىنە تىيىم سالاتىن زاڭ كۇشىنە ەندى. بۇل شەكتەۋ مەملەكەتتىك جانە جەكە مەنشىك وقۋ ورىندارىنا قولدانىلادى. بيلىك بۇل شەشىمدى «قىزداردىڭ قۇقىقتارىن قورعاۋ» جانە «گەندەرلىك تەڭدىكتى قامتاماسىز ەتۋ» نيەتىمەن ءتۇسىندىرىپ وتىر، دەپ حابارلايدى infohub.kz سايتى.
ينتەگراسيا جونىندەگى مينيستر كلاۋديا باۋەر: «باس ورامال — قىزداردى ەرتە جاستان باقىلاۋعا الۋدىڭ بەلگىسى جانە ولاردى باسىپ-جانشۋدىڭ قۇرالى»، — دەدى.
مۇعالىمدەر جاڭا ەرەجەلەردىڭ ساقتالۋىن قاداعالاۋى ءتيىس: الدىمەن وقۋشىلارمەن جانە ولاردىڭ زاڭدى وكىلدەرىمەن اڭگىمەلەسۋ، ال قايتالانعان بۇزۋشىلىقتار كەزىندە بالالاردى قورعاۋ قىزمەتتەرىنە حابارلاۋ. توتەنشە شارا رەتىندە اتا-انالارعا نەمەسە قامقورشىلارعا 800 ەۋروعا (شامامەن 423 مىڭ تەڭگە) دەيىن ايىپپۇل سالىنۋى مۇمكىن.
ايتا كەتەيىك، 2020 جىلى اۋستريانىڭ كونستيتۋسيالىق سوتى باستاۋىش مەكتەپتەردە ورامال كيۋگە ۇقساس تىيىمدى ءدىني بەيتاراپتىق قاعيداتىنا قايشى كەلەدى دەپ تانىپ، ونى جويعان بولاتىن.