شىعىس قازاقستان وبلىسىندا ورىندالعان جۇمىستار مەن جەتكىزىلگەن تاۋارلار ءۇشىن اقشاسىن الا الماي جۇرگەن ونداعان كاسىپكەر اقىرى ءوز قاراجاتىن الدى. بۇل تۋرالى infohub.kz سايتى حابارلايدى.
التاي اۋدانىنىڭ پروكۋراتۋراسى كاسىپكەرلەردىڭ قۇقىقتارىن قورعاۋ سالاسىنداعى زاڭنامانىڭ ساقتالۋىن تەكسەرۋ بارىسىندا «التاي اۋدانىنىڭ اۋدانارالىق اۋرۋحاناسى» شارۋاشىلىق جۇرگىزۋ قۇقىعىنداعى كوممۋنالدىق مەملەكەتتىك كاسىپورنى تاراپىنان بۇزۋشىلىقتار انىقتادى. مەديسينالىق مەكەمە شارت بويىنشا مىندەتتەمەلەرىن ۋاقىتىلى ورىنداعان جەتكىزۋشىلەر الدىندا مەرزىمى وتكەن قارىزدىڭ پايدا بولۋىنا جول بەردى.
پروكۋرورلىق قاداعالاۋ اكتىسى ەنگىزىلگەننەن كەيىن اۋرۋحانا 37 كاسىپكەر الدىنداعى قارىزىن تولىق وتەدى. تولەنگەن قاراجاتتىڭ جالپى سوماسى 106،47 ميلليون تەڭگەنى قۇرادى.