سينوپتيكتەر 2026 جىلعى تامىزعا بولجام جاسادى: ەلدىڭ وڭتۇستىگى مەن باتىسىندا نەگىزىنەن ىستىق اۋا رايى كۇتىلسە، سولتۇستىك جارتىسىندا جاڭبىرلى، نايزاعايلى ورتاشا ىستىق بولادى. بۇل تۋرالى infohub.kz سايتى حابارلايدى.
تامىزدىڭ ءبىرىنشى ونكۇندىگىندە رەسپۋبليكانىڭ باسىم بولىگىندە بەلسەندى سولتۇستىك-باتىس سيكلونى مەن اتموسفەرالىق فرونتتارعا بايلانىستى اۋا رايى تۇراقسىز بولادى. سينوپتيكتەر نايزاعايلى جاڭبىر، قاتتى جەل، كەي جەرلەردە بۇرشاق تۇسەتىنىن بولجايدى. ايدىڭ ورتاسىندا سولتۇستىكتە، ورتالىقتا، شىعىستا، سونداي-اق وڭتۇستىك-شىعىستىڭ تاۋلى جانە تاۋ بوكتەرىندەگى اۋداندارىندا قاتتى جاڭبىر جاۋۋى مۇمكىن.
سونىمەن قاتار، ەلدىڭ باتىسى مەن ورتالىعىندا ءبىرىنشى ونكۇندىكتىڭ ورتاسىنان باستاپ جاۋىن-شاشىننىڭ قىسقا مەرزىمگە توقتاۋى كۇتىلەدى.
ءبىرىنشى ونكۇندىكتە قازاقستاننىڭ باتىسى مەن سولتۇستىك-باتىسىندا كۇندىزگى تەمپەراتۋرا بىرتىندەپ +25…+35°س-تان +34…+39°س-قا دەيىن كوتەرىلەدى. اتىراۋ وبلىسىنىڭ وڭتۇستىگىندە تەرمومەتر باعانى +41°س-قا جەتۋى مۇمكىن، ماڭعىستاۋ وبلىسىندا +35…+40°س-تان +39…+44°س-قا دەيىن.
سولتۇستىكتە جانە قوستاناي وبلىسىندا كۇندىز تەمپەراتۋرا +25…+35°س-تان +20…+28°س-قا دەيىن تومەندەيدى، الايدا ونكۇندىكتىڭ سوڭىنا قاراي +30…+38°س-قا دەيىنگى ىستىق قايتا ورالادى. وڭتۇستىكتە ىستىقتىڭ تومەندەۋى ايتارلىقتاي بولادى: +39…+44°س-تان +29…+36°س-قا دەيىن.
ەل ورتالىعى مەن شىعىسىندا اۋا رايى الماسىپ تۇرادى: قاتتى ىستىق +33…+41°س، سودان كەيىن قالىپتى جىلى اۋا رايى +22…+31°س. وڭتۇستىك-شىعىستا تەمپەراتۋرا +34…+39°س (جامبىل وبلىسىندا +42°س-قا دەيىن) مەن +27…+35°س ارالىعىندا اۋىتقيدى.
تامىزدىڭ ەكىنشى جانە ءۇشىنشى ونكۇندىكتەرىندە رەسپۋبليكانىڭ سولتۇستىك جارتىسىندا تۇندە اۋا تەمپەراتۋراسى +3…+8°س-تان +10…+18°س-قا دەيىن، كۇندىز +17…+25°س-تان +25…+35°س-قا دەيىن بولادى.
ەلدىڭ باتىسى مەن وڭتۇستىك جارتىسىندا تۇندە +17…+27°س-تان +13…+18°س-قا دەيىن، كۇندىز +32…+42°س-تان +25…+35°س-قا دەيىن تىركەلەدى.
بۇعان دەيىن «كۋرسيۆ» قازاقستاننىڭ كوپتەگەن وڭىرىندە 1 تامىزعا داۋىل ەسكەرتۋى جاريالانعانىن حابارلاعان ەدى: نايزاعاي، بۇرشاق، قاتتى جەل، شاڭدى داۋىل جانە +44°س-قا دەيىن قاتتى ىستىق كۇتىلەدى.