«№405 اۆياجوندەۋ زاۋىتى» اق باسقارما مۇشەسى كونستانتين ۋشاكوۆ التى جىل ىشىندە جالپى سوماسى 425،3 ملن تەڭگە كولەمىندە سىياقى الدى. تەك 2025 جىلدىڭ قورىتىندىسى بويىنشا ونىڭ تولەمدەرى 114،2 ملن تەڭگەنى قۇرادى، بۇل ءبىر جىل بۇرىنعىدان 56،8%-عا ارتىق، دەپ حابارلايدى infohub.kz سايتى.
كومپانيا دەرەكتەرىنە سايكەس، كەمىندە 2020 جىلدان بەرى باسقارما قۇرامىنداعى ۋشاكوۆتىڭ سىياقىسى جىل سايىن دەرلىك ءوسىپ وتىرعان. 2020 جىلى ول 43،3 ملن تەڭگە السا، 2025 جىلى بۇل سوما 114،2 ملن تەڭگەگە دەيىن وسكەن. بەس جىل ىشىندە تولەمدەر 2،6 ەسەگە، ياعني 70،9 ملن تەڭگەگە ارتقان.
جىلدار بويىنشا سىياقى مولشەرى: 2020 جىل – 43،3 ملن تەڭگە؛ 2021 جىل – 43،6 ملن تەڭگە؛ 2022 جىل – 49 ملن تەڭگە؛ 2023 جىل – 102،4 ملن تەڭگە؛ 2024 جىل – 72،8 ملن تەڭگە؛ 2025 جىل – 114،2 ملن تەڭگە.
Adata مالىمەتىنشە، «№405 اۆياجوندەۋ زاۋىتى» اق-نىڭ 53 اكسيونەرى بار. كاسىپورىننىڭ نەگىزگى قىزمەت ءتۇرى – اۋە جانە عارىشتىق ۇشۋ اپپاراتتارىن جوندەۋ جانە تەحنيكالىق قىزمەت كورسەتۋ (وكەد 33160).
قارجىلىق ەسەپتىلىككە سايكەس، كومپانيانىڭ 2024 جىلعى تازا پايداسى ءبىر جىل بۇرىنعى 2،5 ملرد تەڭگەگە قارسى 2،8 ملرد تەڭگەنى قۇرادى.
ەسەپتىلىكتە كاسىپورىننىڭ تۇپكىلىكتى بەنەفيسيارلارى دا كورسەتىلگەن: م. يبراگيموۆا، پ. شودييەۆ جانە ە. سۋرلەۆيچ. بۇل، ەڭ الدىمەن، Eurasian Resources Group نەگىزىن قالاۋشىلاردىڭ ءبىرى ءاليجان يبراگيموۆتىڭ جەسىرى مۇقاداسحان يبراگيموۆا، ERGء-تىڭ تاعى ءبىر نەگىزىن قالاۋشىسى پاتوح شودييەۆ، سونداي-اق قايتىس بولعان الەكساندر ماشكەۆيچتىڭ جيەنى ەدۋارد سۋرلەۆيچ تۋرالى بولۋى مۇمكىن.
بۇعان دەيىن «كۋرسيۆ» ERG اكسيالارىنىڭ 40%-ى رەسمي تۇردە «سامۇرىق-قازىناعا» وتكەنىن جازعان بولاتىن.