كۇن سايىن ءبىر اۆوكادو جەۋ «جامان» حولەستەرين دەڭگەيىن تومەندەتىپ، قان تامىرلارىن بلياشكالاردان قورعايدى، دەپ حابارلايدى infohub.kz سايتى.
پەنسيلۆانيا شتاتىنىڭ ۋنيۆەرسيتەتىنىڭ عالىمدارى ىشتىك سەمىزدىگى بار ەرەسەكتەرگە كۇندەلىكتى راسيونعا ءبىر اۆوكادو قوسۋ تىعىزدىعى تومەن ليپوپروتەيندەردىڭ (لپنپ) ۇساق تىعىز بولشەكتەرىنىڭ كونسەنتراسياسىن تومەندەتۋگە كومەكتەسەتىنىن انىقتادى. مۇنداي حولەستەرين ءتۇرى ەڭ ءقاۋىپتى، سەبەبى ول ارتەريا قابىرعالارىنا وڭاي ەنىپ، بلياشكالاردىڭ پايدا بولۋىنا ىقپال ەتەدى.
زەرتتەۋگە 25 جاستان اسقان 786 ادام قاتىستى. قاتىسۋشىلاردىڭ جارتىسى ادەتتەگىدەي تاماقتانسا، ەكىنشى توپ التى اي بويى كۇن سايىن ءبىر اۆوكادو جەدى. ناتيجەسىندە جەمىس اۋەسقويلارىندا ءقاۋىپتى لپنپ بولشەكتەرىنىڭ كونسەنتراسياسى ورتا ەسەپپەن ليترىنە 49 نانومولگە تومەندەدى. اۆتورلاردىڭ باعالاۋىنشا، مۇنداي قاراپايىم تاماقتانۋ ادەتى جۇرەك-قان تامىرلارى اۋرۋلارىنىڭ دامۋ ءقاۋپىن شامامەن 4%-عا تومەندەتۋگە قابىلەتتى. وڭ اسەر قاتىسۋشىلاردىڭ جاسىنا، جىنىسىنا جانە ناسىلىنە قاراماستان بايقالدى. سونىمەن قاتار، سىنالۋشىلاردىڭ دەنە سالماعى مەن بەل شەڭبەرى وزگەرمەگەن.