پاۆلودارلىق «ەرتىس» قازاقستان پرەمەر-ليگاسىنىڭ 21-تۋرى اياسىندا سەمەيدىڭ «ەلىمايىنا» قارسى قوناقتىق ماچتا جەڭىلىسكە ۇشىرادى، دەپ حابارلايدى infohub.kz سايتى.
كەزدەسۋ سەمەيدەگى «سپارتاك» ستاديونىندا ءوتىپ، الاڭ يەلەرىنىڭ 3:1 ەسەبىمەن جەڭىسىمەن اياقتالدى.
ماچتاعى العاشقى گول 73-مينۋتتا «ەلىمايدىڭ» قازاقستاندىق شابۋىلشىسى يۆان سۆيريدوۆتىڭ كۇشىمەن سوعىلدى. ءتورت مينۋتتان كەيىن سەمەيلىك كلۋبتىڭ سلوۆەنيالىق قورعاۋشىسى مادج ميتتەندورفەر دوپتى ءوز قاقپاسىنا جىبەردى. جاعدايدى قازاقستاندىق فورۆارد اكمال باحتياروۆ قۇتقاردى، ول بىرنەشە مينۋتتان كەيىن ءوز كومانداسىن العا شىعاردى. ماچتاعى نۇكتەنى 92-مينۋتتا وتاندىق جارتىلاي قورعاۋشى ميراس وماتاي قويدى، ول وسى كەزدەسۋدە الاڭ يەلەرىنىڭ ءۇشىنشى گولىن سوقتى.
پاۆلودارلىقتار ويىندى از قۇراممەن اياقتادى: 82-مينۋتتا ەكىنشى سارى قاعازدى العان سەنەگالدىق قورعاۋشى پاپە مامادۋ مبودج الاڭنان شىعارىلدى.
21-تۋردان كەيىن «ەلىماي» 31 ۇپاي جيناپ، قازاقستان چەمپيوناتىندا بەسىنشى ورىندا تۇر. «ەرتىس» 17 ۇپايمەن كپل تۋرنيرلىك كەستەسىندە سوڭعىدان ەكىنشى، 15-ورىندا.