الماتىدا اتىشۋلى داۋلى ىسكە نۇكتە قويىلدى: ناۋرىزباي اۋداندىق سوتى پوەزيا الىبى مۇقاعالي ماقاتاەۆتى قورلاعانى ءۇشىن جاۋاپقا تارتىلعان بلوگەر اليشەر تەمەنوۆكە قاتىستى قىلمىستىق ءىستى توقتاتتى. بۇل شەشىم — پوەتتىڭ ۇلى جۇلدىز ماقاتاەۆتىڭ كۇتپەگەن كەشىرىمىنىڭ ناتيجەسى.
بۇعان دەيىن جۇلدىز ماقاتايەۆ بلوگەردەن مورالدىق وتەماقى رەتىندە 10 ميلليون تەڭگە تالاپ ەتكەن ەدى. الايدا، بۇگىن سوت وتىرىسىندا ول تالابىنان باس تارتىپ، ءىستى توقتاتۋدى سۇرادى.
سۋديا شەشىم شىعارۋعا كەتىپ بارا جاتقاندا، بلوگەر جۇلدىز ماقاتاەۆقا 2 ميلليون تەڭگەنى قولما-قول ۇستاتىپ، ءوزىنىڭ اۆتوكولىگىنىڭ كىلتىن دە تابىستادى. تاعى 1 ميلليون تەڭگەنى 10 كۇن ىشىندە جەتكىزەتىنىن ايتىپ، كەيىن اۆتوكولىكتى قايتارىپ الۋعا ءۇمىت ارتتى.
تەمەنوۆ ءوز ارەكەتى ءۇشىن تەك جۇلدىز ماقاتاەۆتان ەمەس، بۇكىل قازاق حالقىنان كەشىرىم سۇراپ، ارنايى بەينەجازبا جاريالاۋعا ۋادە بەردى.
بۇل وقيعا قوعامدا كەڭ رەزونانس تۋدىرىپ، ونەر يەلەرىنە قۇرمەت پەن ءسوز بوستاندىعى اراسىنداعى شەكارانى تاعى ءبىر رەت وي ەلەگىنەن وتكىزۋدى تالاپ ەتتى.