قاراعاندىلىق اۆتوپودبور مامانى دميتري ايەل كليەنتتى جاسىرىن اقاۋلارى بار Kia Sportage كروسسوۆەرىن ساتىپ الۋدان ساقتاپ قالدى. ساراپشى تەكسەرۋ كەزىندە كاپوتتىڭ قايتا بويالعانىن، ارتقى جاعىنا سوققى تيگەنىن جانە ءجۇرىس كورسەتكىشىنىڭ بۇرمالانعانىن انىقتاپ، ساتىپ الۋشىنى مامىلەدەن باس تارتۋعا كوندىردى، دەپ حابارلايدى infohub.kz.
الەۋمەتتىك جەلىدە جاريالانعان ۆيدەودا كولىك ساتۋشىسى اۆتوكولىكتىڭ «شىن مانىندە جاقسى» ەكەنىن ايتىپ، اۆتوپودبورشىنى جالا جاپتى دەپ ايىپتاعان. الايدا قالىڭدىق ولشەگىش پەن دياگنوستيكالىق سكانەردى قولدانۋ ساتۋشىنىڭ ادال ەمەستىگىن راستادى. ۆيدەو اۆتورى باعاعا دا نازار اۋداردى: زاقىمدالعان 2023 جىلعى Kia Sportage ءۇشىن يەسى 11 ملن تەڭگە سۇراعان، ال جاڭادان ءدال وسىنداي مودەل شامامەن 12 ملن تۇرادى. «9 ملن تۇرسا عوي»، — دەپ اتاپ ءوتتى مامان. ساتۋشى بۇعان: «9 ملن-عا قايدان تاباسىز؟ ول باعاعا تەك 2017 جىلعىسى تابىلادى. اقىماقتىق ايتپاڭىز. ادەيى كولىكتى جامانداپ وتىرسىز»، — دەپ جاۋاپ قايتارعان.
سوڭىندا كليەنت ساتىپ الۋدان باس تارتتى. «سىنىق كولىكتى عارىشتىق باعامەن ساتادى، سودان سوڭ نارىق نەگە تۇرىپ قالعانىنا تاڭعالادى»، — دەپ ءتۇسىندىردى دميتري. بۇعان دەيىن «كۋرسيۆ اۆتو» باسىلىمى الماتىدا 2026 جىلى جازدا قانداي قولدانىستاعى كولىكتەر ساتىلىپ جاتقانىن، ال قىرعىزستاندا دەپۋتاتتار ءجۇرىس بۇرمالاۋ ءۇشىن ايىپپۇل ەنگىزۋدى ۇسىنعانىن جازعان.