تانىمال قىتايلىق Jetour T1 كروسسوۆەرى «كلۋبنىي سەرۆيستە» ەگجەي-تەگجەيلى تالداندى. تەحنيكالىق قىزمەت كورسەتۋ ستانسياسىنىڭ يەسى ءارى اۆتو بلوگەر يليا سۆيريدوۆ ەسىكتەردىڭ، شاناقتىڭ جانە اسپانىڭ قۇرىلىمىن كورسەتىپ، ستاندارتتى ەمەس ينجەنەرلىك شەشىمدەرگە نازار اۋداردى، دەپ حابارلايدى infohub.kz سايتى.

سۆيريدوۆتىڭ ايتۋىنشا، «دجەتۋرعا» شامامەن جەتى اي بولعان، وسى ۋاقىت ىشىندە ول قوجايىنىن اۋىستىرىپ ۇلگەرگەن. جاڭا يەسى بوگدە دىبىسقا شاعىمدانىپ، شۋ وقشاۋلاۋ جاساۋدى ۇيعارعان. ەسىكتىڭ ىشىنەن بەكىتپە تابىلعان، ول اۆتوردىڭ پىكىرىنشە، شۋدىڭ كوزى بولۋى مۇمكىن.

«سەندەرگە سەندىرەمىن، ءبىز ەشتەڭەنى بوساتقان جوقپىز. بۇل زاۋىتتان وسىلاي كەلگەن»، — دەدى شولۋ اۆتورى.

العاشقى توسىن اشۋ — مەتالدىڭ قالىڭدىعى. سۆيريدوۆ T1-مەن تانىسقانعا دەيىن برەندكە سكەپتيكالىق كوزقاراستا بولعانىن، ءبىراق ەندى پىكىرىن وزگەرتكەنىن مويىندادى.

«بۇل مەتالل قازىرگى Toyota-لارعا قاراعاندا قالىڭ»، — دەدى ول.

الايدا ەسىك كۇشەيتكىشتەرىنىڭ قۇرىلىمى ونى الاڭداتتى: تۇتىك ءتارىزدى ەلەمەنتتىڭ ورنىنا كۇردەلى ءپىشىندى پروفيلدەر قولدانىلعان.

«مەنىڭشە، ىشىنە تۇتىك سالعان ارتىق بولماس ەدى»، — دەپ اتاپ ءوتتى بلوگەر بۇيىرلىك سوققىدان قورعاۋ تۋرالى ويلانىپ. ءبىراق ول كراش-تەست نەمەسە قۇرىلىمنىڭ بەرىكتىگىن سىناۋ ناتيجەلەرىن كەلتىرگەن جوق.

ارتقى ەسىكتەردەن كوبىك، ۆيبرووقشاۋلاعىش جانە ەرەكشە ءپىشىندى كۇشەيتكىشتەر تابىلدى.

«مۇندا ءبارى بار، جاقسى سۋرەتشىنىڭ كەنەپىندەي. تازا ابستراكسيونيزم جانە قىتايلىق كونسترۋكتورلىق يدەيالاردىڭ تولىق ەركىندىگى»، — دەپ يرونيالايدى سۆيريدوۆ.

جۇكسالعىشتا ول ۆيبرووقشاۋلاعىشتى، گەرمەتيكتى جانە دانەكەرلەنگەن تىگىستەردى كورسەتتى. شاناق بولشەكتەرىنىڭ جەكەلەگەن قوسىلىستارىن بلوگەر سىنعا الدى، الايدا جالپى ورىندالۋىن وڭ باعالادى.

«جاپپاي قىتايلىق ماشينا ءۇشىن شىنىمەن جاقسى جينالعان»، — دەپ قورىتىندىلادى ول.

كوتەرگىشتە سۆيريدوۆ جەلدەتىلەتىن الدىڭعى تەجەگىش ديسكىلەرىنە نازار اۋداردى. ارتقى جاقتا قالىڭ، ءبىراق جەلدەتىلمەيتىن ديسكىلەر ورناتىلعان. ارتقى كوپبۋىندى اسپاعا دا سۇراقتار تۋىندادى. بلوگەر يىندەردىڭ ءپىشىنىن، بەكىتپەلەرىن جانە سايلەنتبلوكتاردىڭ ورنالاسۋىن اتاپ ءوتىپ، جەكەلەگەن شەشىمدەردى Volkswagen جانە Toyota قۇرىلىمدارىمەن سالىستىردى، ءبىراق سەنىمدىلىك تۋرالى قورىتىندى جاسامادى.

«مەن 20 جىل بويى كولىك جوندەيمىن، ءبىرتۇرلى نارسە كورسەم، سىزدەرگە كورسەتەمىن. ءارى قاراي وزدەرىڭىز ويلاڭىزدار»، — دەپ ءتۇسىندىردى ول.

استىنان كارداندى بىلىك، تولىق جەتەكتى قوسۋ مۋفتاسى، ارتقى رەدۋكتور جانە جەتەكتەر تابىلدى. الدىڭعى جاقتا قوسالقى راما، مەتالل قورعانىس جانە جەڭىل اۆتوموبيل ءتيپتى سايلەنتبلوكتارى بار يىندەر ورناتىلعان.

برۋتالدى كورىنىسى مەن تولىق جەتەگىنە قاراماستان، سۆيريدوۆ T1ء-دى ەڭ الدىمەن قاراپايىم جۇرىستەرگە ارنالعان كروسسوۆەر دەپ سانايدى، اۋىر جولسىزدىققا ەمەس. ونىڭ پىكىرىنشە، بۇل — يەسىن ا نۇكتەسىنەن ب نۇكتەسىنە جەتكىزۋگە ارنالعان قاراپايىم جاپپاي اۆتوموبيل. سونىمەن قاتار، ءوز اقشاسىنا ماشينا يەسىنە زاماناۋي سالون، تولىق جەتەك، ەكى ليترلىك تۋربوموتور جانە وسىنداي كروسسوۆەر ساتىپ الۋشى كۇتەتىن جابدىقتار جيىنتىعىن بەرەدى.

«كلۋبنىي سەرۆيستىڭ» بارلىق ەسكەرتۋلەرى رەسەيلىك نارىققا ارنالعان ناقتى Jetour T1-گە قاتىستى. قازاقستاندىق نۇسقالار دانەكەرلەۋ ساپاسىمەن، شۋ وقشاۋلاۋىمەن، ماتەريالدارىمەن جانە باسقا دا بولشەكتەرىمەن ەرەكشەلەنۋى مۇمكىن. سوندىقتان تالداۋ قورىتىندىلارىن ناقتى ءاۆتوموبيلدى تەكسەرمەي-اق قازاقستانداعى بارلىق T1-گە تاراتۋ دۇرىس ەمەس.

بۇعان دەيىن كۋرسيۆ اۆتو كلاسسيكالىق «اۆتوماتتى» Jetour T2 الماتىنىڭ تاۋ بوكتەرىندە قالاي سىنالعانىن جازعان.