ساباقتىڭ تاقىرىبى: اياققاپقا ويۋ تىگۋ
ساباقتىڭ ماقساتى: اياققاپقا ويۋ تىگۋ، اشەكەيلەۋ، ۇلتتىق قولونەر جايلى تۇسىنىك بەرۋ. بالالارعا ۇلتتىق تاربيە بەرۋ، ۇلتتىق قولونەر ارقىلى تانىمدىق قابىلەتىن دامىتۋ. بالانىڭ سوزدىك قورىن بايىتۋ. قول تىگىستەردىڭ تۇرلەرىن، اتالۋىن مەڭگەرتۋ. سۇراق – جاۋاپ ارقىلى تاپسىرمانى دۇرىس ورىنداتۋ. اياققاپقا ويۋ تىگۋ تاقىرىبىندا العان بىلىمدەرىن پراكتيكا جۇزىندە ىسكە اسىرۋ. تاپسىرمانى ورىنداۋ كەزىندە ويۋدىڭ ەرەكشەلىگىن، قۇرىلىسىن شەبەرلىك كوزىمەن بەينەلەي ءبىلۋ كوزدەلەدى. وقۋشىلاردى تەحنيكا قاۋىپسىزدىك ەرەجەلەرىن ساقتاۋعا داعدىلاندىرۋ. ينەنى، ءجىپتى دۇرىس قولدانۋدى قاداعالاۋ. بالالاردى اسەمدىككە باۋلۋ. تاپسىرما بويىنشا قولدانىلاتىن سوزدەردى دۇرىس ايتۋ، تۇزەتىپ وتىرۋ، جازۋ.
ءپانارالىق بايلانىس: ءتىل دامىتۋ، قازاق ءتىلى پانىمەن بايلانىستىرىپ، سوزدەردىڭ شىعۋ تاريحىن، جاسالعان بۇيىمنىڭ كونە ۇلتتىق قولونەردىڭ ءبىر ءتۇرى ەكەنىن بايانداۋ، تولىقتىرۋ.
ساباقتىڭ كورنەكىلىگى: ينە شۋدا ءجىپ، قايشى، قاداعىش، اياققاپ، بوتامويىن ويۋى، اق ءتۇستى قارىنداش.

ساباقتىڭ بارىسى: 1. ۇيىمداستىرۋ كەزەڭى
2. جاڭا ساباقتى ءتۇسىندىرۋ
3. قىزىعۋشىلىعىن وياتۋ.
4. داپتەرمەن جۇمىس
5. ماعىنانى تانىتۋ
6. توپتاستىرۋ
7. بەكىتۋ جانە قورىتىندىلاۋ.

جاڭا ساباق. 1. اياققاپ – ىدىس سالۋعا ارنالعان قاپشىق. اياققاپتىڭ ءپىشىنى ەكى ءتۇرلى: ءبىرى تىك ءتورت بۇرىشتى، ەكىنشىسى اۋىز جاعى تىك ءتورت بۇرىشتى، ال ءتۇپ جاعى دوڭگەلەك بولادى. اياققاپ كوبىنەسە كيىزدەن جاسالادى. قاجەتتى كولەمدە ءپىشىن الامىز، ەكى بولىك كيىزدى ءبىر – بىرىنە بەتتەستىرىلىپ، ولاردىڭ قوسپاسى ( اۋزىنان باسقا بولىگى ) شۋدا جىپپەن جورمەپ تىگەمىز. تىگىلگەن بولىككە شاشاق تاعىپ، جيەگىن كومكەرىپ تىگەمىز. ينەمەن جۇمىس جاساۋ كەزىندە قاۋىپسىزدىك ەرەجەلەرىن ەسكە تۇسىرەمىز. ينەنى، تۇيرەۋىشتى كەۋدەگە تۇيرەمە، اۋزىڭا سالما، ينەنى قاداعىشقا قاداپ قوي.
2. ينەمەن جۇمىس جاساۋ جوسپارى:
1. الدىمەن ءجىپتى ال، ولشە.
2. سودان سوڭ ءجىپتى قي. 3. ينەگە ءجىپتى وتكىز. 4. ءجىپتىڭ ۇشىن ءتۇي.
سەن نە ىستەدىڭ؟ سۇراعى بويىنشا بالالار جاۋاپ بەرەدى. مىسالى: الدىمەن مەن ءجىپتى الدىم، ولشەدىم.
«بوتامويىن ويۋى» تۋرالى تۇسىنىك بەرۋ. ەرتەدە قولونەر شەبەرلەرى جانۋارلاردىڭ مۇيىزىنەن، دەنە ءمۇسىنىن ءبىر ەلەمەنتىنەن ويۋ ويىپ قولدانعان. بوتا – تۇيەنىڭ ءتولى. بۇل ويۋ بوتانىڭ موينىنا ۇقساس بولعان.
1. اياققاپتىڭ وڭ جاعىن ولشە، بەلگىلە.
2. ەكى بولەك كيىزدى ءبىر - بىرىنە بەتتەستىرىپ، شۋدا جىپپەن جورمەپ تىگەمىز.
- سەن نە ىستەدىڭ؟
- الدىمەن اياققاپتىڭ وڭ جاعىن ولشەدىم، بەلگىلەدىم. سودان كەيىن بەلگىنىڭ ۇستىنە «بوتامويىن» ويۋىن تۇيرەۋىشپەن تۇيرەدىم. اياققاپتى جورمەپ تىكتىم.

ءىى. قىزىعۋشىلىعىن وياتۋ. 1. كيىزدەن جاسالعان بۇيىم (اياققاپ )
2. اياققاپتاعى ورنەك.(ويۋ)
3. اياققاپتى پىشەتىن قۇرال
ماعىنانى تانى

نە بىلەمىن؟
تۇرمىستا پايدالاناتىن اياققاپ تۇرلەرى

نە بىلگىم كەلەدى؟
تىگۋ جولدارىن
جورمەپ تىگۋ

نە ءبىلدىم؟
اياققاپقا ويۋ تىگۋدى
قورىتىندى