اقش-تىڭ ۆيرگينيا شتاتىنىڭ تۇرعىنى تاڭعى ۋاقىتتا ويانىپ، اۋزىنا جارعانات كىرمەك بولعانىن بايقاپ، شوشىپ كەتتى. وقيعا ريچموند قالاسىندا بولعان. ايەل ءجۇز جىلعا جۋىق تاريحى بار ۇيدە تۇرادى. گاستروەنتەرولوگ دارىگەر كريستا ەدەلماننىڭ ايتۋىنشا، ول ەرنىندە دىمقىل ءارى تۇكتى بىردەڭەنى سەزىپ، كوزىن اشقاندا جارعانات ەكەنىن تۇسىنگەن. ايەل ايعايلاپ، جانۋاردى ەدەنگە قاعىپ تۇسىرگەن، سودان كەيىن ونى شەلەكپەن جاۋىپ، مەديسينالىق كومەككە جۇگىنگەن، دەپ حابارلايدى infohub.kz.
جەدەل جاردەم دارىگەرى ادام ءلاندسيدىڭ تۇسىندىرۋىنشە، جارعاناتتاردىڭ تىستەرى وتە ۇساق، سوندىقتان ولاردىڭ شاعۋى كوبىنەسە بايقالماي قالادى، ءبىراق قۇتىرۋ جۇقتىرۋ ءقاۋپى جوعارى. ۆيرگينيا دەنساۋلىق ساقتاۋ دەپارتامەنتىنىڭ مامانى دجۋليا مەرفي جارعانات تابىلعان جاعدايدا دەرەۋ ماماندارعا حابارلاسۋدى ۇسىندى. جانۋاردى تالداۋعا جىبەردى، ناتيجە ەكى كۇننەن كەيىن بەلگىلى بولىپ، قۇتىرۋ اۋرۋى تەرىس شىقتى. كريستا ەدەلمان ادامداردى وسىنداي جاعدايدا دۇرىس ارەكەت ەتۋگە ۇيرەتۋ ءۇشىن الەۋمەتتىك جەلىلەردە ۆيدەو جاريالادى.