2 قىركۇيەكتەن باستاپ №81/82 تالگو "نۇرلى جول – ورال" جولاۋشىلار پويىزىندا ايەلدەر ۆاگونى پايدا بولادى. بۇل قىزمەتكە سۇرانىستىڭ جوعارى بولۋىنا بايلانىستى وسىنداي شەشىم قابىلداندى، دەپ حابارلايدى infohub.kz سايتى.
پويىز ەلوردا مەن باتىس قازاقستان وبلىسى اراسىندا كۇنارا قاتىنايدى، توعىز ايالداما قاراستىرىلعان. جاڭا ۆاگون ىسكە قوسىلعاننان كەيىن "ايەلدەر ۆاگونى" قىزمەتى بار باعىتتار سانى 13-كە جەتەدى. قازىرگى ۋاقىتتا مۇنداي ۆاگوندار كەلەسى باعىتتاردا بار: الماتى – ماڭعىستاۋ، الماتى – وسكەمەن، پاۆلودار – تۇركىستان، ماڭعىستاۋ – سەمەي، اتىراۋ – نۇرلى جول، الماتى – اقتوبە، نۇرلى جول – الماتى، نۇرلى جول – شىمكەنت، اقتوبە – الماتى، الماتى – شىمكەنت، نۇرلى جول – سەمەي جانە ورال – ماڭعىستاۋ.
ايەلدەر ۆاگونىندا تەك ايەلدەر جانە ەرەسەكتەردىڭ ەرتىپ جۇرۋىمەن جەتى جاسقا دەيىنگى ۇل بالالار عانا جۇرە الادى. بيلەتتەردى تەمىرجول كاسسالارىنان نەمەسە تاسىمالداۋشىنىڭ رەسمي سايتىنان "جن" بەلگىسىنە نازار اۋدارىپ ساتىپ الۋعا بولادى. ساتىلىم جونەلتۋگە 45 تاۋلىك قالعاندا باستالادى.