قازاقستاندا شىلدە ايىنىڭ باسىندا كەيبىر ازىق-ت ۇلىك باعالارىنىڭ بىرنەشە ەسە قىمباتتايتىنى جونىندەگى اقپارات ەلدى دۇرلىكتىردى. الەۋمەتتىك جەلىلەردە ۇن مەن كۇنباعىس مايىنىڭ باعاسى تيىسىنشە 44،6% جانە 61،2% وسەدى دەگەن مالىمەت تارادى. بۇعان ۇكىمەتتىڭ ەڭ تومەنگى باعالاردى كوتەرۋ تۋرالى شەشىمى تۇرتكى بولعان.
الايدا قارجى مينيسترلىگى بۇل شەكتەۋلى باعانىڭ دۇكەندەرگە ەمەس، سالىقتىق ەسەپتەۋ ماقساتىندا بەلگىلەنگەنىن العا تارتىپ، قاراپايىم حالىقتىڭ قالتاسىنا تىكەلەي اسەر ەتپەيدى دەپ مالىمدەدى.
دەگەنمەن، قوعامدا سەنىمسىزدىك باسىم. ساراپشىلاردىڭ ايتۋىنشا، ۇكىمەتتىڭ وسىنداي شەشىمدەرى مەن ولاردىڭ سالدارىن تۇسىندىرۋدەگى السىزدىگى ەل ىشىندە بيلىككە دەگەن ەكونوميكالىق سەنىمسىزدىكتى ودان ءارى تەرەڭدەتىپ وتىر.