وتكەن اپتادا الەۋمەتتىك ماڭىزى بار ازىق-ت ۇلىك تاۋارلارىنىڭ (ءامات) ورتاشا باعا يندەكسى -0،1% بولدى، ال اي باسىنان باستاپ -0،3% قۇرادى. 27 ساۋىردە ۆيسە-پرەمەر سەرىك ءجۇمانعاريننىڭ توراعالىعىمەن وتكەن كەڭەستە ءامات بويىنشا اعىمداعى باعا جاعدايى قارالدى، دەپ حابارلايدى infohub.kz سايتى.
«ازىق-ت ۇلىك باعاسى بويىنشا 10 ءوڭىر تەرىس كورسەتكىشكە ءوتتى، ونىڭ ىشىندە اقمولا جانە جامبىل وبلىستارى بۇل ناتيجەنى قاتارىنان ءۇش اپتا كورسەتىپ وتىر. جەتى وبلىس باعا ءوسىمىن نولدە ۇستادى، تاعى ءۇش وبلىستا 0،1% ءوسىم تىركەلدى»، — دەدى ساۋدا جانە ينتەگراسيا ءبىرىنشى ۆيسە-مينيسترى ايجان بيجانوۆا.
ونىڭ ايتۋىنشا، تاۋىق جۇمىرتقاسى (1،8%)، قاراقۇمىق (1،3%)، ۇن (0،7%)، كۇرىش (0،6%)، كۇنباعىس مايى (0،4%)، تۇز (0،3%)، سۇزبە جانە پياز (0،1%) باعاسىنىڭ تومەندەۋى جالعاسۋدا. سونىمەن قاتار، ماۋسىمارالىق كەزەڭدە ورامجاپىراق پەن ءسابىز باعاسىنىڭ كوتەرىلۋىمەن قاتار، اپتا ىشىندە سارى مامىر باعاسىنىڭ 0،5% وسكەنى تىركەلدى. الايدا مامىر ايىندا ءسۇت ءوندىرىسىنىڭ كۇتىلەتىن ارتۋى تەك سارى مايعا عانا ەمەس، باسقا دا ءسۇت ونىمدەرىنە باعانىڭ تۇراقتالۋىنا وڭ اسەر ەتۋى ءتيىس.
كەڭەستە سونداي-اق سۋ تاسقىنىنان زارداپ شەككەن وڭىرلەردەگى تۇراقتاندىرۋ قورلارىنىڭ قورىن مونيتورينگىلەۋ ناتيجەلەرى تىڭدالدى. اكىمدىكتەردىڭ دەرەگىنشە، قازىرگى ۋاقىتتا الەۋمەتتىك-كاسىپكەرلىك كورپوراسيالاردا (اكك) نەگىزگى ءامات تۇرلەرىنىڭ جالپى كولەمى 284،9 مىڭ توننا قورى بار. بارلىق وبلىستاردا جۇمىس توپتارى قۇرىلىپ، كوكونىس قالدىقتارىنا تەكسەرۋ جۇرگىزىلدى. سۋ باسقان وڭىرلەردە ازىق-ت ۇلىك جەتكىزۋدە ۇزىلىستەر بايقالمايدى.
كەڭەس قورىتىندىسى بويىنشا سەرىك جۇمانعارين بارلىق وڭىرلەردە ماۋسىمارالىق شىڭنان ءوتۋ اياسىندا بۇرىنعى قورلاردى بوساتۋ جانە جاڭا ءونىمدى ۋاقتىلى كەلىسىمشارتتاۋ بويىنشا جۇمىستى كۇشەيتۋ قاجەتتىگىن اتاپ ءوتتى.