2025 جىلى «بايتەرەك» ۇلتتىق ينۆەستيسيالىق حولدينگىنىڭ توپ-مەنەدجەرلەرى 440 ملن تەڭگە كولەمىندە سىياقى الدى. باسقارما مۇشەسىنىڭ ءارقايسىسىنا جىلىنا ورتاشا ەسەپپەن 62،9 ملن تەڭگە تيەسىلى بولدى، دەپ حابارلايدى infohub.kz.
كۆازيمەملەكەتتىك «بايتەرەك» حولدينگى ءوز توپ-مەنەدجەرلەرىنىڭ 2025 جىلعا 440 ملن تەڭگە العانىن مالىمدەدى. بۇل سوماعا جالاقى مەن سىيلىقاقىلار كىرەدى. وتكەن جىلمەن سالىستىرعاندا حولدينگ باسشىلارىنىڭ تابىسى 20 پايىزعا وسكەن.
«بايتەرەكتىڭ» باسقارما قۇرامىنا جەتى مۇشە كىرەدى، جىل بويى ونىڭ قۇرامى وزگەرگەن جوق. بۇلار — باسقارما ءتوراعاسى رۋستام قاراعويشين جانە ونىڭ ورىنباسارلارى: نۇربولات ايداپكەلوۆ (حولدينگ جوسپارلارى مەن مىندەتتەرىنىڭ ورىندالۋىن باقىلاۋ)، ەرسايىن حاميتوۆ (قارجى-ەسەپ ساياساتى)، عالىم وسەن (سيفرلاندىرۋ جانە تەحنولوگيالار)، ۆياچەسلاۆ سون (قۇقىقتىق جانە كورپوراتيۆتىك ماسەلەلەر)، جاندوس شايحى (بيزنەستى قولداۋ)، تيمۋر ونجانوۆ (حالىقارالىق ىنتىماقتاستىق جانە ستراتەگيا).
وسىلايشا، حولدينگ باسقارماسىنىڭ ءار مۇشەسىنە جىلىنا ورتاشا ەسەپپەن 62،9 ملن تەڭگە سىياقى تيەسىلى بولدى، ياعني ايىنا ورتاشا 5،24 ملن تەڭگە.
بۇعان دەيىن «استاناگاز كمگ» («سامۇرىق-قازىنانىڭ» ەنشىلەس كومپانياسى) 2025 جىلى باسقارما مۇشەلەرىنە 154،1 ملن تەڭگە سىياقى تولەگەنى حابارلانعان ەدى.