باحتى – اياگوز جاڭا تەمىر جولىنىڭ قۇرىلىسى، ول قازاقستاندى قىتايمەن ءۇشىنشى شەكارالىق وتكەل ارقىلى قوسادى، 52%-كە اياقتالدى، دەپ حابارلايدى infohub.kz سايتى.
قازاقستان رەسپۋبليكاسى كولىك مينيسترلىگىنىڭ مالىمەتىنشە، نىساندا 20 ميلليون تەكشە مەتردەن استام جەر جۇمىستارى ورىندالعان، بۇل جوسپارلانعان كولەمنىڭ 52%ء-ىن قۇرايدى. جەر توسەمىن قالىپتاستىرۋدى اعىمداعى جىلدىڭ قازان ايىندا اياقتاۋ جوسپارلانۋدا. قازىرگى ۋاقىتتا قۇرىلىستا 1 379 مامان مەن 884 تەحنيكا جۇمىلدىرىلعان.
«جاڭا تەمىر جول جەلىسى وزبەكستان رەسپۋبليكاسىمەن قوسىمشا حالىقارالىق كولىك ءدالىزىن قالىپتاستىرۋعا، شامادان تىس جۇكتەلگەن سارىاعاش – تاشكەنت ۋچاسكەسىنەن جۇك اعىندارىن قايتا بولۋگە، جەلىنىڭ وتكىزۋ قابىلەتىن ارتتىرۋعا جانە ورتالىق ازيا ەلدەرى باعىتىنداعى ترانزيتتىك تاسىمالداردى كەڭەيتۋگە مۇمكىندىك بەرەدى»، — دەپ مالىمدەدى كولىك مينيسترلىگىندە.
جوبانىڭ ىسكە اسۋى ناتيجەسىندە كولىك ءدالىزىنىڭ وتكىزۋ قابىلەتى جىلىنا 25 ميلليون تونناعا دەيىن وسەدى، بۇل حالىقارالىق تاسىمالدار كولەمىن ۇلعايتۋعا مۇمكىندىك بەرەدى. بۇعان دەيىن ۇكىمەت جۇڭگو – ەۋروپا باعىتىندا اۆياحابتى ىسكە قوسۋدى جەدەلدەتۋدى تاپسىرعان.