بالا مۇحتار مەن اباي

انا ءتىلى 2 سىنىپ
ساباقتىڭ تاقىرىبى: بالا مۇحتار مەن اباي
ساباقتىڭ ماقساتى:
1. بىلىمدىلىك: اباي مەن مۇحتار جايلى مالىمەت بەرۋ. ماتىندەگى نەگىزگى ويدى ۇعىندىرۋ. تۇسىنگەندەرىن قىسقا، ءارى ناقتى اڭگىمەلەي بىلۋگە ۇيرەتۋ.
2. دامىتۋشىلىق: وقۋشىلاردى شىعارماشىلىقپەن جۇمىس ىستەۋگە ىقپال ەتۋ، قيالىن جۇيەلەۋ، ويلاۋ قابىلەتتەرىن جەتىلدىرۋ، سوزدىك قورىن مولايتىپ، ءتىل بايلىعىن دامىتۋ.
3. تاربيەلىك: ابايدىڭ ناقىل سوزدەرى مەن ازاماتتىق بەينەلەرى ارقىلى ۇلگى-ونەگە الۋعا باۋلۋ. ءوز ويىن انىق ايتۋعا، دوستارىنىڭ پىكىرلەرىن تىڭداۋعا، ىزدەنىمپازدىققا تاربيەلەۋ.
ساباقتىڭ ءتۇرى: ارالاس ساباق
ساباقتىڭ ءادىسى: وي قوزعاۋ، ءتۇسىندىرۋ، حابارلاۋ، كورنەكىلىك، ينتەرۆيۋ، ىزدەنۋشىلىك.
ساباقتىڭ كورنەكىلىگى: م. اۋەزوۆ، ا. قۇنانبايەۆ پورترەتى، ينتەراكتيۆتى تاقتا.
ءپانارالىق بايلانىس: دۇنيەتانۋ، بەينەلەۋ ونەرى، اۋەز.

ساباقتىڭ بارىسى
ءى. ۇيىمداستىرۋ كەزەڭى
وقۋشىلار ءبىر – ءبىرىنىڭ قولىنان ۇستاپ،
«5 - بولسىن الار باعامىز،
بىلىمنەن باقىت تابامىز» دەپ حورمەن ايتادى.

ءىى. ءۇي تاپسىرماسىن تەكسەرۋ
ا) ۇيگە قانداي تاپسىرما بەرگەنىن سۇراۋ
ۇيگە بەرىلگەن تاپسىرما تۇرسىن جۇرتبايدىڭ «قوڭىر قوزى» اڭگىمەسىن ءتۇسىنىپ وقۋ، مازمۇنىن ايتۋ.
ماتىندەگى وزدەرىنە ۇناعان كورىنىستەردىڭ بىرىنە سۋرەت سالىپ كەلۋ.
ءا) ءماتىن بويىنشا سۇراقتار قويۋ.
1. تابيعاتتى سۋرەتتەپ بەرشى.
2. اۋەز قارت قايدا بارماق بولدى؟
3. بالا مۇحتار نەگە «قوڭىر قوزى» اتانعان؟
4. اباي اۋىلىندا مۇحتار نە نارسەگە قاتتى قىزىقتى؟
ب) وقۋشىلاردىڭ شىعارماشىلىعىن دامىتۋ.
سۋرەتتەردى باعالاپ، ۇزدىگىن تاقتاعا ءىلىپ قويۋ.

ءىىى. ينتەرۆيۋ.
1. مۇحتار نەگە وينامادى؟ (بالالار ءوز پىكىرلەرىن بىلدىرەدى)
2. ءوزىڭ قانداي ويىن وينايسىڭ؟
3. ۇلتتىق ويىنداردى اتا؟
ءىۇ. وقۋلىقپەن جۇمىس
ءسوزجۇمباق شەشۋ.
1. كوكتەمدە نەنىڭ شۋاعى مولايادى؟
2. تولدەر قايدا اسىر سالىپ ءجۇر؟
3. جەر بەتىن قانداي كىلەم جاپقان؟
4. قاڭقىلداعان قازدار قالاي ۇشىپ بارادى؟
5. قازدار قايدا قونادى؟
6. اسپان قانداي؟
ءسوزجۇمباقتان شىعاتىن ءسوز «كوكتەم». كوكتەم سوزىنە بايلانىستى 3 توپقا تاپسىرما بەرۋ.
ءى توپ كوكتەم مەزگىلىندەگى تابيعات قۇبىلىستارى.
ءىى توپ. كوكتەمدە اتقارىلاتىن جۇمىستار
ءىىى توپ. كوكتەم تۋرالى ولەڭ

ءۇ. جاڭا ساباق.
- بالالار، ءبىز بۇگىن بەلگىلى جازۋشى تۇرسىن جۇرتبايدىڭ «بالا مۇحتار مەن اباي» اتتى ءماتىنىن وقىپ تانىسامىز.
1. ءماتىندى مانەرلەپ وقۋ. وقۋشىلارعا تىزبەكتەپ وقىتۋ.
2. ماعىناسىن تانۋ.

سۋرەتپەن جۇمىس.
سۋرەتتەن كىمدەردى كورىپ تۇرسىڭدار؟
اباي مۇحتارعا نەگە كوڭىل اۋداردى؟
ول جايلى قانداي كوزقاراستا بولدى؟
اباي قانداي باتا بەردى؟
اتاسى نە دەپ سىبىرلادى.
اباي نەگە ريزا بولدى؟
بالا مۇحتار مەن اباي جۇكتەۋ