قىزىلوردا وبلىسىندا ەر ادام تۋعان اعاسىن بالاعاتتاعانى ءۇشىن 40 ساعات قوعامدىق جۇمىسقا سوتتالدى، دەپ حابارلايدى infohub.kz.
وقيعا قىزىلوردا قالاسىندا بولعان. تەگى جاريالانباعان ن. ازاماتى ءبىر جىل ىشىندە ەكى رەت اكىمشىلىك قۇقىق بۇزۋشىلىق جاساپ، تۋعان اعاسىنا بالاعات سوزدەر ايتقان. سوت مۇنى وتباسىلىق-تۇرمىستىق قارىم-قاتىناستاعى ادامعا قۇرمەتتەمەۋشىلىك تانىتۋ دەپ باعالاعان.
«سوت وتىرىسىندا ن. ازاماتى كىناسىن تولىق مويىنداپ، جاساعان ىسىنە وكىنىش ءبىلدىردى. ن. ازاماتىنىڭ كىناسى ونىڭ تۇسىندىرمەسىمەن، جابىرلەنۋشىنىڭ ارىزى مەن تۇسىندىرمەسىمەن، سونداي-اق ءىس ماتەريالدارىمەن دالەلدەندى»، — دەلىنگەن سوت حابارلاماسىندا.
ناتيجەسىندە ن. كىنالى دەپ تانىلىپ، وعان 40 ساعات قوعامدىق جۇمىس جازاسى كەسىلدى.