ادەبيەتتىك وقۋ 2 - كلاسس
مازمۇنداما
تاقىرىبى: بالاپان مەن مىسىق
ماقساتى: وقۋشىلاردى دايىن ءماتىن بويىنشا تىلدىك وبەكتىلەردى ساقتاي وتىرىپ مازمۇنداما جازۋعا ۇيرەتۋ.
مىندەتتەرى: 1. جازباشا بايلانىستىرىپ سويلەۋىن جانە جازبا ءتىلىنىڭ قالاي قالىپتاسقانىن تەكسەرۋ. ءوز ويلارىن جۇيەلى، مازمۇندى ەتىپ جەتكىزە بىلۋگە داعدىلاندىرۋ.
2. ويلاۋ قابىلەتتەرىن، زەيىنىن، ەستە ساقتاۋىن دامىتۋ. سوزدىك قورلارىن، ءتىل بايلىعىن ارتتىرۋ، ساۋاتتىلىققا باۋلۋ.
3. تابيعاتقا، قۇستارعا قامقور بولۋعا، قايىرىمدىلىققا تاربيەلەۋ.
كورنەكىلىكتەر: كوكتەم مەزگىلى، بالاپان، مىسىق، قۇستاردىڭ سۋرەتتەرى.
ءادىسى: سۇراق - جاۋاپ، اڭگىمەلەۋ، ءوز بەتىمەن جۇمىس
ءتۇرى: جازبا جۇمىس
ساباقتىڭ بارىسى: ءى. ۇيىمداستىرۋ
1. تىنىشتىق ءساتى
2. ساباقتىڭ ماقساتىن حابارلاۋ
ءىى. نەگىزگى ءبولىم.
جازبا جۇمىسىنا دايىندىق جۇمىستارىن جۇرگىزۋ
1. سۋرەتپەن جۇمىس. بەرىلگەن سۋرەت بويىنشا كوكتەم مەزگىلى جايلى اڭگىمە جۇرگىزۋ.
- بۇل قاي جىل مەزگىلى؟ كوكتەمدە تابيعاتتا قانداي وزگەرىستەر بولادى؟
- قۇستار قالاي، قايدان ۇشىپ كەلەدى؟
- جىل قۇستارى دەپ قانداي قۇستاردى ايتامىز؟
- وتىرىقشى قۇستار دەگەن شە؟
- كوكتەمدە ەڭ العاش قانداي قۇس ۇشىپ كەلەدى؟
- مىناۋ قانداي قۇس؟ (قاراتورعاي) ت. ب. سۇراقتار ارقىلى اڭگىمەلەسۋ.
بۇگىنگى جازبا جۇمىسىمىز وسى قاراتورعاي تۋرالى بولادى. قاراتورعايدى سيپاتتاۋ.
2. مازمۇندامانى ەكى رەت مانەرلەپ وقۋ، مازمۇنىن تالداۋ.
بالاپان مەن مىسىق
ناۋرىز ايى كەلدى. بالالار قاراتورعايعا ۇيا جاسادى. اسان دا قۇستارعا ۇيا دايىندادى. ءبىر كۇنى ۇيادا ءۇش بالاپان پايدا بولدى. شەشەلەرى تاماق اكەلۋگە كەتكەندە اش بالاپانداردىڭ بىرەۋى جەرگە قۇلاپ ءتۇستى. ونى كورىپ الا مىسىق بالاپانعا جاقىنداي ءتۇستى. قاراتورعايلار بالاپانىن اينالا شىرىلداي ۇشىپ، اساننان كومەك سۇراعانداي بولدى. ول قولىنا شىبىق الا سالىپ مىسىقتى ءبىراز جەرگە دەيىن قۋىپ تاستادى. جەردە جاتقان بالاپاندى اپارىپ ۇياسىنا سالدى. قاراتورعايلار شات - شادىمان بولىپ اسەم اۋەنگە باستى.
3. ءماتىن مازمۇنىن 2 - 3 وقۋشىعا ايتقىزۋ. سوزدىك جۇمىسىن جۇرگىزۋ.
4. سۇراقتار قويۋ، اڭگىمەدەگى نەگىزگى ويدى تاپقىزۋ.
- كوكتەمنىڭ قاي ايى تۋدى؟ بالالار نە جاسادى؟
- كىم قۇستارعا ۇيا دايىندادى؟
- ۇيادا نەشە بالاپان پايدا بولدى؟ اش بالاپان ءقايتتى؟
- نە بالاپانعا جاقىنداي ءتۇستى؟
- قاراتورعايلار ءقايتتى؟ ولار كىمنەن كومەك سۇراعانداي بولدى؟
- اسان نە ىستەدى؟
5. ماتىنگە جوسپار قۇرۋ
جوسپار:
1. ۇيا جاساۋ
2. بالاپانعا تونگەن ءقاۋىپ
3. اراشا تۇسكەن اسان
تىرەكتى سوزدەر مەن ءسوز تىركەستەرىن جازۋ: اش بالاپان، شىبىق، شات - شادىمان، اسەم اۋەنگە.
6. مازمۇندامانى جازۋ.
ءىىى. ساباقتى بەكىتۋ.
ءىV. ۇيگە تاپسىرما بەرۋ: ءماتىن مازمۇنى بويىنشا سۋرەت سالۋ
V. باعالاۋ