قازاقستان جۇڭگو ماماندارىمەن بىرگە شولەيتتەنگەن جەرلەردى قالپىنا كەلتىرۋ جانە شولگە اينالۋدىڭ الدىن الۋ ءۇشىن ءشول بالدىرلارىنىڭ بيوتەحنولوگياسىن قولدانۋ مۇمكىندىگىن زەردەلەيدى، دەپ حابارلايدى Orda.kz.
بۇل ماسەلە ەكولوگيا جانە تابيعي رەسۋرستار ءمينيسترى ەرلان نىسانباەۆتىڭ «سزي دي سزاو (پەكين) بيوتەحنولوگيي» جۇڭگو كومپانياسىنىڭ وكىلدەرىمەن كەزدەسۋىندە تالقىلاندى.
تاراپتار توپىراقتى قالپىنا كەلتىرۋ، ەكولوگيالىق اۋىل شارۋاشىلىعىن دامىتۋ جانە شولەيتتەنۋ سالدارىن ازايتۋ ءۇشىن تەحنولوگيانى قولدانۋ مۇمكىندىكتەرىن قاراستىردى. ارال تەڭىزىنىڭ قۇرعاعان تۇبىندە جۇرگىزىلگەن ەكسپەريمەنتتىك جۇمىستاردىڭ ناتيجەلەرىنە، سونداي-اق بۇل ادىستەمەنى قازاقستاننىڭ تابيعي جاعدايلارىنا بەيىمدەۋ پەرسپەكتيۆالارىنا ەرەكشە كوڭىل ءبولىندى.