الماتى وبلىسىندا بالقاش كولىندە زاڭسىز 261 كگ بالىق اۋلاعان ەكى براكونەرگە ۇكىم شىعارىلدى. ونىڭ بىرەۋى ەمدەلۋگە جىبەرىلدى، دەپ حابارلايدى infohub.kz.
الماتى وبلىستىق سوتىنىڭ ءباسپاسوز قىزمەتىنىڭ مالىمەتىنشە، بالقاش كولىندە پوليسيا جانە بالىق ينسپەكسياسى قىزمەتكەرلەرى ت. مەن پ. س. ازاماتتارىن ۇستادى. ولار «Yamaha-40» موتورلى قايىقتار مەن 500 مەترلىك سينتەتيكالىق اۋلاردى پايدالانعان.
«ولار زاڭسىز 261 كگ بالىق اۋلاعان. مەملەكەتكە 1،2 ملن تەڭگە كولەمىندە ەلەۋلى زالال كەلتىرىلگەن. جازا تاعايىنداۋ كەزىندە سوت جەڭىلدەتەتىن ءمان-جايلار رەتىندە سوتتالۋشى ت.-نىڭ كىناسىن تولىق مويىنداۋىن، شىن جۇرەكتەن وكىنۋىن، سونداي-اق مەملەكەتكە كەلتىرىلگەن زالالدىڭ باسىم بولىگىن (890 مىڭ تەڭگە) ەرىكتى تۇردە وتەگەنىن ەسكەردى»، — دەپ مالىمدەدى سوتتان.
ناتيجەسىندە ت. كىنالى دەپ تانىلىپ، وعان 3 جىلعا باس بوستاندىعىن شەكتەۋ جازاسى تاعايىندالدى. ول 3 جىلعا بالىق اۋلاۋ قۇقىعىنان ايىرىلدى، سونداي-اق پروباسيالىق باقىلاۋ بەلگىلەنىپ، ول ءماجبۇرلى ەڭبەككە (جىلىنا 100 ساعات) تارتىلۋعا مىندەتتەلدى.
ءىستىڭ ەكىنشى فيگۋرانتى پ. قۇقىق بۇزۋشىلىقتى جاساۋ كەزىندە پسيحيكالىق جاعدايىنا بايلانىستى ەسى دۇرىس ەمەس كۇيدە بولعان، سوندىقتان ول قىلمىستىق جاۋاپكەرشىلىكتەن بوساتىلدى. سوت وعان تۇرعىلىقتى جەرى بويىنشا دارىگەردىڭ امبۋلاتوريالىق باقىلاۋى مەن ەمىن تاعايىندادى.