بالقاش تۇرعىنى 1،5 ميلليون تەڭگە تولەپ پاتەر ساتىپ العانىمەن، مامىلەنى راسىمدەي الماي، سوتقا جۇگىنگەن، ءبىراق تالابى قاناعاتتاندىرىلماعان. بۇل تۋرالى infohub.kz سايتى حابارلايدى.
قاراعاندى وبلىسى سوتتارىنىڭ رەسمي Telegram-ارناسىندا حابارلانعانداي، بالقاش قالالىق سوتى پاتەر ساتىپ الۋ-ساتۋ مامىلەسىن جارامدى دەپ تانۋ تۋرالى تالاپ ارىز بويىنشا ازاماتتىق ءىستى قارادى. تالاپكەردىڭ ايتۋىنشا، ول جاۋاپكەرگە تۇرعىن ءۇي ساتىپ الۋ ءۇشىن 1،5 ملن تەڭگە اقشا بەرگەن، بۇل قولحاتپەن راستالادى. سونىمەن قاتار، ساتۋشى وعان كىلتتەر مەن قۇقىق بەلگىلەيتىن قۇجاتتاردىڭ ءتۇپنۇسقالارىن تاپسىرعان.
تالاپكەردىڭ سوزىنشە، مامىلەنى نوتاريالدى تۇردە راسىمدەۋ مۇمكىن بولماعان، سەبەبى جاۋاپكەر قازاقستاننان تىس جەردە تۇرادى، ونىڭ رەزيدەنت ەمەس ءجسن-ى جوق، ال ونى وكىل ارقىلى راسىمدەۋ مۇمكىن ەمەس. وسىعان بايلانىستى ول ق ر ازاماتتىق كودەكسىنىڭ 154-بابىنىڭ 2-تارماعىنا سۇيەنە وتىرىپ، مامىلەنى جارامدى دەپ تانۋدى سۇراعان.
جاۋاپكەر تالاپتى مويىنداپ، اقشانى العانىن راستاپ، پاتەرگە مەنشىك قۇقىعىنىڭ اۋىسۋىنا قارسى بولماعان. الايدا، ءىستى قاراۋ بارىسىندا داۋلى پاتەر جاۋاپكەردىڭ اجەسىنە 1994 جىلعى 27 قاڭتارداعى جەكەشەلەندىرۋ شارتى نەگىزىندە تيەسىلى بولعانى انىقتالدى. ول 2009 جىلى قايتىس بولعاننان كەيىن پاتەر جاۋاپكەرگە وسيەت بويىنشا قالعان، ءبىراق اقشانى الىپ، قولحات جازعان كەزدە (2025 جىلعى 10 قىركۇيەك) ول مۇراگەرلىك قۇقىعىن راسىمدەمەگەن جانە مەنشىك قۇقىعىن تىركەمەگەن.
سوت ق ر ازاماتتىق كودەكسىنىڭ 118-بابىنىڭ 1-تارماعىنا سايكەس جىلجىمايتىن م ۇلىككە قۇقىقتار مەملەكەتتىك تىركەۋگە جاتاتىنىن كورسەتتى. 188-باپتىڭ 2 جانە 3-تارماقتارىنا سايكەس، تەك مەنشىك يەسى عانا م ۇلىكتى يەلەنۋگە، پايدالانۋعا جانە وعان بيلىك ەتۋگە، ونىڭ ىشىندە ونى يەلىكتەن شىعارۋعا قۇقىلى. جاۋاپكەر مامىلە جاسالعان كەزدە مەنشىك يەسى بولماعاندىقتان، ونىڭ پاتەرگە بيلىك ەتۋگە زاڭدى نەگىزى بولماعان.
تالاپكەردىڭ جاۋاپكەردىڭ مۇراگەرلىكتى راسىمدەۋ جانە جسن الۋ ءۇشىن قازاقستانعا كەلە المايتىندىعى تۋرالى دالەلدەرىن سوت قابىلدامادى، بۇل جاعدايلار مۇراگەرلىكتى راسىمدەۋ جانە جىلجىمايتىن م ۇلىككە قۇقىقتاردى تىركەۋ ءتارتىبىن ساقتاۋدان بوساتپايتىنىن اتاپ ءوتتى.
ناتيجەسىندە بالقاش قالالىق سوتى تالاپتى قاناعاتتاندىرۋدان باس تارتتى. ازاماتتىق ىستەر جونىندەگى سوت القاسى شەشىمدى وزگەرىسسىز، ال اپەللياسيالىق شاعىمدى قاناعاتتاندىرۋسىز قالدىردى.