بانگلادەش پرەزيدەنتى موحامماد شاحابۋددين اۋرۋىنا بايلانىستى وتستاۆكاعا كەتكەنىن مالىمدەدى، دەپ حابارلايدى infohub.kz.
2026 جىلعى 24 شىلدەدە شاحابۋددين bdnews24 باسىلىمىنىڭ جۋرناليستەرىمەن تەلەفون ارقىلى سويلەسكەندە وتستاۆكاسىن راستادى. مالىمدەمە تۋرالى سۇراققا ول: «بۇل بارىنە بەلگىلى. مۇنى مەنەن ەستۋدىڭ قاجەتى قانشا؟ اۋىرىپ جاتىرمىن، جەتەر ەندى»، — دەپ جاۋاپ بەردى. ودان ءتيىستى وتىنىشكە قول قويعانى سۇرالعاندا، ساياساتكەر: «ءبارىن ايتتىم. قالعانىن وزدەرىڭىز تۇسىنەرسىزدەر»، — دەدى.
بۇرىنعى سۋديا موحامماد شاحابۋددين 2023 جىلعى 13 اقپاندا «بانگلادەش حالىق ليگاسى» بيلەۋشى پارتياسىنىڭ كانديداتى رەتىندە بانگلادەش پرەزيدەنتى بولىپ سايلاندى جانە سول جىلدىڭ 24 ساۋىرىندە قىزمەتىنە كىرىستى. ەل زاڭى بويىنشا پرەزيدەنتتى پارلامەنت بەس جىل مەرزىمگە سايلايدى، ءبىر رەت قايتا سايلانۋ مۇمكىندىگى بار.